"Монгол Улс ардчилсан улс хэвлэлийнхээ эрх эрх чөлөөг улам бүр баталгаажуулахын төлөө энэ парламентад сууж байгаа 126 гишүүн бүгд хамтарч ажиллах үүрэгтэй" гэж УИХ-ын дарга Д.Амарбаясгалан хэллээ.

УИХ-ын дарга Д.Амарбаясгалан: 

-Парламентад сууж байгаа гишүүд хэвлэл мэдээллийн эрх чөлөөг баталгаажуулах, хэвлэн нийтэлсэнтэй холбоотой үүрэг хариуцлага хүлээдэг асуудлыг тодорхой болгоё гэдэг дээр төвлөрч ажиллая гэж байгаа. УИХ-ын даргын хувьд санаачилга гаргаад ажлын хэсэг гарган ажиллуулж байна. Ардчилал, эрх эрх чөлөөг дэмжих, хүний эрхийг дээдэлсэн нийгмийг улам бүр баталгаажуулах зорилгоо хангахын тулд хэвлэл мэдээллийн байгууллага, сэтгүүлч өндөр хариуцлагатай ажилладаг байх тэр нөхцөлийг бүрдүүлж өгье гэж байгаа. Шинэчилсэн найруулгын төсөл байгаа.

Гишүүд бүгд өөрсдийн саналаа өгөх хэрэгтэй. Улс төрчид талцаж хуваагдаад хэрэггүй. Монгол Улс ардчилсан улс хэвлэлийнхээ эрх эрх чөлөөг улам бүр баталгаажуулахын төлөө энэ парламентад сууж байгаа 126 гишүүн бүгд хамтарч ажиллах үүрэгтэй юм.