Ерөнхий сайд Г.Занданшатар өнөөдөр Монголын Үйлдвэрчний Эвлэлийн Холбооны ерөнхийлөгч Э.Тамир нартай уулзжээ.

Энэ үеэр "Сүүлийн үед гарч байгаа олон гэмт хэрэг, зөрчилтэй холбогдуулан Ерөнхий сайдын дэргэд Хүчирхийллийн эсрэг Үндэсний зөвлөл байгуулагдаж байна. Санаанд оромгүй аймшигтай хэргүүд гардаг боллоо" гэж хэлжээ.

Хамгийн сүүлд "Канте" цэнгээний газрын үүдэнд бүлэг зодоон гарч, 25 настай С хүнд бэртсэн явдал олны анхаарлын төвд байгаа билээ.

Түүнчлэн дээрх уулзалтаар "Нийгмийн шударга ёс бол уриа лоозон биш. Бодит ажил болгохын тулд хөдөлмөр эрхлэгчдийг дэмжиж, тэдний эрх ашгийг хамгаалахын төлөө гурван талт механизмыг бүх талын оролцоотойгоор хэрэгжүүлж ажиллах нь чухал. Гурван талт хэлэлцээрийг тодотгон сануулахын учир нь ажил олгогч, ажиллагчдын төлсөн нийгмийн даатгалын шимтгэлээр хуримтлагдсан мөнгө хулгайд алдагдсан явдал.

Хариуцлагагүй, хяналтгүй ажилласан энэ мэт жишээ олон учраас цаашид түншлэл төдий байгаа гурван талт хэлэлцээрийг шинэчлэн хэрэгжүүлнэ" гэж мэдэгдсэн байна.