Сошиал орчинд үзэл бодлоо нээлттэй илэрхийлдэг УИХ-ын гишүүн М.Нарантуяа өөрийн цахим хуудастаа гишүүний ажлаа хүлээлгэн өгнө гэдгээ илэрхийлээд байсан ч түүний бодол өөрчлөгдсөн бололтой. 

Тэрбээр бичихдээ, Нийгмийн сүлжээнд УИХ-ын гишүүнээс татгалзах бодолгүй байгаагаа илэрхийлж, "Цөөнгүй хүмүүсийн сэтгэхүй ийм улаар байхад дээр дооргүй ямар байх нь ойлгомжтой! 

Жинхэнэ худал хулгайтай тэмцэх зориг 0, харин хий хардаж харааж суух дуртай. 

Экс Ерөнхий Сайд Оюун-Эрдэнийг хамгаалж үг хэлсэн бүхэн 2 тэрбум авсан гэнээ зайлууллдаа… 2 тэрбум бүү хэл хамгаалаад өг гэж 2 үг ч аваагүй юмаа зайлуул!!!

За тэгээд гишүүнээ өгөөд дараагийн хүнтэйгээ бог бодоор УИХ-ын гишүүний суудлыг наймаалцах юм гэнээ

Үнэхээр гурай цаашаа

Аргагүйээ хөөрхий нэгэнт сэтгэлгээ нь ядуу бол ахуйгаараа ч ядуу байх нь гарцаагүй. Тиймээс сэтгэлгээгээр баялаг, зүтгэлээр баялаг өөрсдөө босгож бүтээж чаддаг бусдыг яахин гадарлах билээ зайлуул! 

Сэтгэж зүтгэж чадвал 2 тэрбум чинь ердөө л үнэн шударгаар зүтгээд бардам олж болдог дүн шүү дээ. Заавал төр түмний боломжоос хулгайлахгүйгээр баяжих мянган арга зам байна шүү дээ! 

Жич: гурайчуудыг баярлуулах арай л болоогүй байна! Бог бод ч гэх шиг эвий эвий…" гэж нийгмийн сүлжээнд бичжээ.

Ямартаа ч түүний бодол саналаар Улсын их хурлын гишүүний ажлыг хүлээлгэж өгөх эсэх нь шийдэгдэхгүй бөгөөд хууль зүйн талаасаа дараах тайлбартай билээ. 

ХУУЛЬ: 

9 дүгээр зүйл.Гишүүний бүрэн эрх хугацаанаас өмнө дуусгавар болох

  • 9.1.Дараах тохиолдолд гишүүний бүрэн эрх энэ хуулийн 7.3-т заасан хугацаанаас өмнө дуусгавар болох үндэслэл болно:
  • 9.1.1.Ерөнхийлөгчөөр сонгогдсон;
  • 9.1.2.хүндэтгэн үзэх шалтгаанаар чөлөөлөгдөх хүсэлтээ өөрөө гаргасныг Улсын Их Хурал хүлээн зөвшөөрсөн;
  • 9.1.3.хүндээр өвчилсний улмаас бүрэн эрхээ хэрэгжүүлэх боломжгүй болсон тухай эмнэлгийн дүгнэлт гаргасныг үндэслэн цаашид гишүүний бүрэн эрхээ хэрэгжүүлэх боломжгүй гэж Улсын Их Хурал үзсэн;
  • 9.1.4.Монгол Улсын Үндсэн хуулийн цэц Монгол Улсын Үндсэн хуулийн Жаран зургадугаар зүйлийн 2 дахь хэсгийн 4-т зааснаар гишүүнийг эгүүлэн татах үндэслэлтэй гэсэн дүгнэлт гаргасныг Улсын Их Хурал хүлээн зөвшөөрсөн;
  • 9.1.5.гишүүн гэмт хэрэг үйлдсэн болох нь хуулийн хүчин төгөлдөр болсон шүүхийн шийдвэрээр тогтоогдсон;
  • 9.1.6.нас барсан.