Хан-Уул дүүргийн 4-р хороо Вива сити-ийн орчимд энэ сарын 07-ны 04.00 цагт явган зорчигч машинд дайруулсан хэрэг гарсан.

Тухайлбал, Toyota Prius маркийн автомашин замын хөдөлгөөнд оролцож байх үедээ хурд хэтрүүлэн, явган зорчигчийг мөргөөд зугтсан нь бичлэгт үлдсэн байдаг. Эх сурвалжуудын мэдээлж буйгаар тухайн хэрэг хардалтын улмаас гарсан байна. Тодруулбал, 30 орчим насны залуу эхнэрээ таксины жолоочтой хардаж, биед нь халдахыг завджээ.

Улмаар таксины жолооч машинаасаа бууж явган зугтаахад нь автомашиныг нь жолоодон мөргөж, гэмтээжээ. Цагдаагийн байгууллагаас зугтсан этгээдийг олж тогтоон мөрдөн шалгах ажиллагааг үргэлжлүүлж байна.