Эрүүгийн хэрэг хянан шийдвэрлэх тухай хууль ноцтой зөрчигдсөн буюу оролцогчийн эрхийг хязгаарласан гэсэн хоёр үндэслэлээр хэргийг прокурорт буцаалаа.

Мөрдөн шалгах ажиллагаанд үндэслэн Прокуророос Э.Н, Э.Г нарыг заналхийлэлд автсан хохирогчоор,

Ц.Д-г хоёр хүнийг алах, бусдын эд хөрөнгийг устгах гэмтээх, хулгайлах, залилах, заналхийлэх, арван зургаан насанд хүрээгүй хүнтэй бэлгийн харьцаанд орох, Х.Э-г арван зургаан насанд хүрээгүй хүнтэй бэлгийн харьцаанд орох гэмт хэрэг үйлдэхэд дэмжлэг үзүүлсэн гэмт хэрэгт буруутай гэж дүгнэн 2025 оны 8 дугаар сарын 14-ний өдөр прокурорын яллах дүгнэлт үйлдэж шүүхэд шилжүүлсэн байдаг.

Шүүх хуралдааны дараа 16 настай талийгаачийн өмгөөлөгч Ш.Солонго дараах товч мэдээллийг хэвлэлд өглөө. 

16 настай талийгаачийн өмгөөлөгч Ш.Солонго: Прокурор хоёр өмгөөлөгчийн нэгд нь хэргийг танилцуулсан, надад танилцуулаагүй. Энэ бол маш том зөрчил.

Бидний хүсэлт биелж, хэргийг нэмэлт мөрдөн байцаалтад буцаалаа

Амиа алдсан 16 настай охины ээж:

Намайг дэмжсэн монголчууддаа баярлалаа. Миний охин босоод ирэхгүй. Гэхдээ би хуулийн хүрээнд өнөөдөр шийдвэр гарсан гэж бодож байна. Гэм буруутай хүмүүс нь буруугаа хүлээх ёстой. Хэдий миний охин тэнгэрт байгаа ч гэсэн би нэг зүйлийг хэлье гэж бодлоо.

Тэр чемоданд хийлгээд, хүчиндүүлээд амиа алдсан гээд сошиалд яриад байгаа охин бол биш. Миний охин онц хэрцгийгээр амиа алдсан шүү. Би тэр зургийг тартагтаа тулаад л тавьсан. Гэм буруутай хүмүүс нь гэм буруугаа хүлээх л ёстой. Би 15 минут л сошиалд тэр зургийг тавьсан, надад ийм л сонголт байсан. 

Миний хүүхдийг онц хэрцгийгээр хороочихоод миний охиныг цахим орчинд ....

Балчирхан амьтан шүү дээ миний охин. Охин минь яаж амь гуйж байсан бол оо... би хэргийг дараа дэлгэрэнгүй ярина аа хэмээн бусдын гарт онц хэрцгийгээр амиа алдсан 16 настай охины ээжээс тодруулга өглөө.