MCS группын Захирлуудын зөвлөлийн дарга Ж.Оджаргал сэтгүүлчдийн сонирхсон асуултад хариулт өглөө.

Тухайлбал, сонгуулийн үеэр нэр дэвшигчдэд хандив өгсөн асуудалд "Хулгай хийхгүй, ард түмний төлөө зөв зүйл хийх нэр дэвшигчдэд хандив өгч байсан. Хуулиараа хандив өгөхийг хоригловол бидэнд л амар шүү дээ. Бид хандив өгсөн УИХ-ын гишүүдээс юм гуйж үзээгүй, гуйх ч үгүй. Уулзаж ч байгаагүй" гэлээ.

Тэрбээр "Есөн удаагийн хэлэлцээр хийж үр дүнд "Эрдэнэс Тавантолгойн" бүлэг ордын зургаан лицензын тавыг нь төрд өгсөн. Энэ нь нийт нөөцийн 96 хувь. Үлдэгдэл 4 хувь буюу "Ухаа худаг" гэдэг лизенц дээр бүтээн байгуулалт хийгээд 16-17 жил болж байна. 

Өнгөрсөн хугацаанд хэлэлцээрийн ширээнд урьж байгаагүй. Үндэсний баялгийн санг дэмжиж байгаа.Үүнийг яаж үр өгөөжтэй байх талаас нь бодит шийдэл олъя гэж бодож байна. Хэлэлцээр хийхэд бэлэн. Мэдээж хуулийн хүрээнд явах ёстой" гэв.