Согтуу хүмүүс маргалдаж, нэгийгээ зам руу түлхсэний улмаас 30 гаруй насны залуу машинд дайруулж амиа алджээ. 

Өчигдөр буюу /2025.10.20/ орой СХД, Гурвалжингийн гүүрний баруун талд ачааны машинд хүн дайруулж нас барсан хэрэг гарчээ. Хэргийг цагдаагийн байгууллага шалгаж байна.

Нар жаргаагүй, ойролцоох худалдаа үйлчилгээний газрууд үйл ажиллагаагаа явуулж байсан учраас тухайн ослыг олон хүн харсан байна.

Хэргийн газарт байсан эх сурвалжуудын хэлж байгаагаар:

- Тухайн газарт 2 согтуу хүн муудалцаж, улмаар нэгийгээ зам руу түлхсэн. Яах ийхийн зуургүй болж өнгөрсөн учраас цаанаас ирж байсан ачааны машины жолооч зогсох боломжгүй. Ингээд харамсалтайгаар 30 гаруй насны залуу ачааны машинд дайрагдаж амиа алджээ.