"Ноорог"-ийн гэгддэг О.Уламсайхан бусдад хутгалуулж хүнд гэмтсэн талаар мэдээлэл гараад буй. Энэ талаар эх сурвалжаас тодруулахад "Өглөө 05.00 цагийн үед бусдад хутгалуулсан. Эмнэлэгт хүргэгдсэн" гэх мэдээллийг өгч байна.

Мөн О.Уламсайханыг хутгалсан иргэнийг цагдаагийн байгууллагад саатуулагдсан гэх мэдээлэл байна.

Тодруулбал, 11 дүгээр сарын 11-ний үүрийн 05 цаг орчимд О.Уламсайхан нь зүүн суга, зүүн гарын булчин хэсэгт хутгалуулжээ. Уг нөхцөл байдал хоорондоо маргалдсаны улмаас үүссэн байж болзошгүй байна. Зарим эх сурвалжуудын мэдээлснээр тэрбээр өнгөрсөн орой найзынхаа төрсөн өдрийн баярт оролцоод дууссаны дараа ийм үйл явдал болжээ. 

О.Уламсайхан одоогоор цэргийн төв эмнэлэгт хэвтэн эмчлүүлж байгаа бөгөөд биеийн байдал хүнд байгааг эх сурвалж мэдээллээ.