Ханиад, томуугийн тархалт нэмэгдсэнтэй холбогдуулан зарим эцэг, эхчүүд сургууль, цэцэрлэгийн үйл ажиллагааг амраах шаардлагатай хэмээсэн. Мөн Эрүүл мэндийн яамнаас сурагчдын амралтын 14 хоногоор урагшлуулах санал гаргасан ч  БШУЯ уг саналыг шууд хүлээн авах боломжгүй гэх хариултыг өгсөн билээ.

Боловсролын сайд П.Наранбаяр өнөөдөр сэтгүүлчдэд өгсөн мэдээлэлдээ "Судалгаагаар 0-15 насны хүүхдүүд нийт өвчлөгсдийн 80 хувийг эзэлж буй. Тиймээс нийслэлийн төвийн дүүргүүдэд 6-15 настнууд буюу 6-9-р ангийн хичээлийг ирэх долоо хоногоос цахим шилжүүлэх асуудлыг судалж байна" гэжээ.