Цагдаагийн байгууллагад өчигдөр /2025.11.24/ 22:00 цагийн орчимд “Төв аймгийн нутагт автомашин жалга руу унаж, жолооч амь хохирлоо” гэсэн дуудлага мэдээлэл иржээ.

Мэдээллийн дагуу шалгахад хьюндай маркийн тээврийн хэрэгсэл замаасаа гарч жалга руу унасны улмаас жолооч газар дээрээ амь хохирсон  нөхцөл байдал тогтоогдсон байна. Хэргийг Төв аймгийн Цагдаагийн газраас мөрдөн шалгаж байгаа аж.

Цагдаагийн байгууллагаас жолооч та бүхнийг хол ойрын замд гарахдаа тээврийн хэрэгслийн бүрэн бүтэн байдлыг хангах, замын нөхцөл, цаг агаарын онцлогт хурдаа тохируулан анхаарал болгоомжтой хөдөлгөөнд оролцохыг зөвлөж байна.

Эх сурвалж: ЦЕГ