"Өвлийн идэш-2025" өргөтгөсөн худалдааг өнөөдрөөс арванхоёрдугаар сарын 5-ны өдрүүдэд Төв цэнгэлдэх хүрээлэнд зохион байгуулж эхэлжээ.

Өргөтгөсөн худалдаанд Дархан-Уул, Булган, Архангай, Сүхбаатар, Баянхонгор, Хөвсгөл болон Орхон аймгийн малчин, хоршоологчид оролцож, мах, сүү цагаан идээгээ худалдаж байгаа аж.

Махны үнийн талаар УБЗАА-ны Хүнс, худалдаа, үйлчилгээний газрын мэргэжилтэн З.Лхагвабаяр "Өргөтгөсөн худалдаанаас нийслэлийн иргэд дундын зуучлагчгүйгээр малчдын бүтээгдэхүүнийг авах боломжтой юм.

Үхрийн мах нэг килограмм нь 14,000, адууны мах 10,500, хонины мах 12,000 төгрөгөөр зарагдаж байгаа.

Үүнээс гадна үйлдвэрийн аргаар мах бэлтгэсэн найман компани бүтээгдэхүүнээ худалдан борлуулж байна" гэлээ.