Арабын Нэгдсэн Эмират Улсын Дубай хотноо 2025 оны арванхоёр дугаар сарын 07-14-ны өдрүүдэд Монголын өсвөр үеийн баг тамирчид “Азийн залуучуудын V пара наадам”-д оролцох пара бочи спортын тамирчид өнөөдөр ангилалаа тогтоолгон маргаашнаас тэмцээндээ орох бэлтгэлээ хангасан талаар бид өмнө нь мэдээлсэн билээ.

Тэгвэл Пара пауэрлифтингийн үндэсний шигшээ багийн тамирчин Д.Жигмэд Азийн залуучуудын пара наадмын 54кг төрөлд 148кг өргөж алтан медалийн болзолоо хангаллаа. 

Энэ нь Монголын баг тамирчдын Азийн залуучуудын пара наадмын тэмцээний салхийг алтан медалийн буухиагаар эхлүүлж буй үйл явдал юм.

Түүний хувьд дэлхийн залуучуудын рекордыг шинэчлэн тогтоосон амжилтын эзэн билээ.