Жил бүр дэлхий даяарх хамгийн сэтгэл хөдөлгөм, шинээр гарч ирж буй дуучин, уран бүтээлчдийг жагсаадаг “Dazed 100” жагсаалтад манай улсаас дуучин Ц.Энгүүн багтжээ.

Ц.Энгүүн нь 2018 онд “The Voice of Mongolia” шоуны ялагч болсоноор уран бүтээлийн замналаа эхлүүлсэн бөгөөд мөн онд UB LIFE сэтгүүлээс нэрлэсэн Монголын нөлөө бүхий 50 хүний нэгээр шалгарч, НҮБ-ээс санаачилсан “He for She” олон улсын хөдөлгөөнд Монгол улс дахь нүүр царай болж байв.