Нийслэлийн Засаг дарга Х.Нямбаатар өөрийн албан ёсны цахим хуудсаараа дамжуулан лайв хийхдээ ирэх 2028 оны УИХ-д нэр дэвшинэ гэдгээ мэдэгдэв.

Тэрбээр “Инженер нэртэй сүгэнцэрүүд байгаа, энэ тэнд төсөл хөтөлбөр хусэж явдаг. Одоо УИХ-д сонгогдсон хогийн шаарнууд байгаа. Нам, нам дамжиж явдаг. Хүний адаг болсон нөхдүүд хотын агаарын бохирдлоор улс төр хийдэг. Тэр хүмүүст хандаж хэлэхэд, наад улс төр чинь хол явахгүй ээ. Би тэр инженер нэртэй сүгэнцэрийн нэр дэвшсэн тойрогт 2028 онд нэр дэвшинэ гэж бодож байгаа. Амлаж авч байгаад өрсөлдөнө Хэн нь иргэдийн төлөө ямар ажил хийсэн нь харагдана” хэмээн ярьсан юм.

Түүний хувьд 2023 онд Хууль зүй, дотоод хэргийн сайдын албан тушаалаасаа нийслэлийн Засаг дарга болсон юм. Одоогоос хоёр жилийн өмнө тэрбээр, 2024 оны УИХ-ын сонгуульд нэр дэвшихгүй хэмээн мэдэгдэж байлаа. Тодруулбал, "Нийслэлийн орон нутгийн сонгуулийн бүрэн эрхийн хугацаа дуустал ажиллана" гэдэг амлалтдаа хүрээд өдгөө ажлаа хийсээр буй билээ.