Physical Asia шоу нэвтрүүлгийн оролцогч, уран нугараач Э.Лхагва-Очир Налайх дүүргийн хүндэт иргэн болжээ. 

Энэ талаар УИХ-ын гишүүн С.Амарсайхан сошиал хуудсаараа мэдээлсэн байна. 

Тэрбээр "Налайхын унаган хүү, дэлхийд Монгол Улсынхаа нэрийг цуурайтуулж яваа МУГЖ Э.Лхагва-Очир Налайх дүүргийн хүндэт иргэн боллоо. 

Уран нугараач, циркийн урлагт 27 дахь жилдээ ажиллаж, эх орныхоо нэрийг олон улсын тавцанд цуурайтуулж яваа залуу уран бүтээлч МУГЖ Э.Лхагва-Очир дүү маань Налайх дүүргийн 43 дахь хүндэт иргэн боллоо. МУГЖ Э.Лхагва-Очир нь 1987 онд Налайх дүүрэгт төрж өсөн, есөн настайгаасаа Ардын жүжигчин, Төрийн соёрхолт Т.Цэнд-Аюуш багшийн гарын шавь болон уран нугаралт, тэнцвэрийн урлагаар хичээллэж эхэлсэн.