АН сөрөг хүчин. Тиймийн учраас эрх баригчдын бурууд хатуу хандах гол ажилтай. УИХ-д байгаа АН-ын бүлгээс өнгөрөгч долоо хоногт Батлан хамгаалахын сайд Д.Батлутыг огцруулах шаардлагыг Ерөнхий сайд Н.Учралд хүргүүлж.

Шалтгаан нь: АН-ын бүлэг цэрэг амиа алдсан асуудлаар мэдээлэл сонсоод: Цэргийн ангидаа амиа алдсан цэргийн тоо 45, алба хааж байхдаа эрүүл мэндээрээ нөхөж баршгүйгээр хохирсон цэргүүдийн тоо 144 байгаа нь салбарын сайдын хариуцлага үүрэх асуудал мөн гэдэг дүгнэлтэд хүрч. Тэгээд: Цэргийн ангиудад гарсан хүний амь нас хохирсон болон бусад ноцтой зөрчлийн хариуцлагыг Батлан хамгаалахын сайд Д.Батлут хүлээж огцрох ёстой гэх шаардлагыг Ерөнхий сайдад илгээж. Хуулиараа Д.Батлутыг огцруулах захирамжийг Ерөнхий сайд Н.Учрал гаргах ёстой. Ерөнхий сайд Н.Учралд болохоор: АН-аас Д.Батлутыг огцруулах шаардлага ирсэн. Дуудаж уулзана, бүтэн мэдээллийг нь сонсоно гэсэн хариултыг Ордны хонгилд явуут дундаа хэвлэлийнхэнд өгсөн. Түүнээс өөр шийдэл, гарцын талаар мэдээ байхгүй. Ийнхүү: Ерөнхий сайд үйлдлээрээ хариуцлага алдсан Батлан хамгаалахын сайдаа хамгаалах байр суурьтай байгаа учир АН дараа долоо хоногоос шаардлагадаа сэлгээ хийхээр болж байна. Тус бүлгийнхэн: Хэрэвзээ Ерөнхий сайд Н.Учрал Батлан хамгаалахын сайддаа хариуцлага тооцож чадахгүй байгаа бол дараа долоо хоногийн нэг дэхээс сөрөг хүчний хувьд АН-аас Ерөнхий сайд Н.Учралыг огцруулах гарын үсгийг цуглуулна. Уулаасаа Н.Учралыг Ерөнхий сайдаас огцруулах түмэн шалтгаан байгаа, жишээ нь эдийн засаг элгээрээ хэвтсэн, эмх замбараагүй явдал салбар бүрд нь гаарсан гэж ярилцаад эхэлсэн байна…

 

Ө.БАТБИЛЭГ

ӨДРИЙН СОНИН