Эрхэм Хүндэт Монгол Улсын Ерөнхийлөгч, Улсын Их Хурлын Дарга аа, алдаатай хууль батлахыг зөвшөөрөхгүй байхыг хүсье!

Тамхины зах зээл хууль бус зах зээл болох эрсдэлтэй байна. Санал хураалтад бүрэн боловсруулаагүй, дутуу боловсруулсан хуулийн төслийг оруулсан. Улсын Их Хурлын олон гишүүдэд энэхүү төслийн үр дагаврын талаарх бүрэн мэдээлэл өгөөгүй учраас тэд уг төслийг дэмжсэн.

2027 оны нэгдүгээр сарын 1-нээс хууль хэрэгжиж эхэлнэ. Тамхидалт алга болохгүй атал хууль ёсны зах зээл алга болно.

Эрхэм Хүндэт Монгол Улсын Ерөнхийлөгч, Улсын Их Хурлын Дарга аа, ноцтой үр дагавар бүхий энэ хуулийг зогсоож хориг тавьж өгнө үү.

2027 ОНЫ НЭГДҮГЭЭР САРЫН 1-НЭЭС БИДНИЙГ ХУУЛЬ БУС ТАМХИН БҮТЭЭГДЭХҮҮНИЙ АЮУЛ ХҮЛЭЭЖ БАЙНА

Бид түгшиж байгаа тул Та бүхэнд хандаж байна. 2027 оны 1 дүгээр сарын 1-нээс Монгол Улсын хууль ёсны тамхины зах зээл бүрэн устах эрсдэлтэй байна.

Энэ нь улсын төсвийн орлого буурах, ажлын байр цөөрөх, хамгийн аюултай нь хил дамнасан хууль бус наймаа эрчимтэй нэмэгдэхэд хүргэнэ. Учир нь зөвхөн хууль ёсны бүтээгдэхүүн л улсын төсөвт татвар төлдөг. Харин хууль бус бүтээгдэхүүн улс оронд нэг ч төгрөгийн татварын орлого авчрахгүй мөртлөө хяналтгүй, ихэнхдээ аюултай байдаг тул иргэдийн эрүүл мэндэд нөхөж баршгүй хохирол учруулна.

ЭНЭ ХУУЛЬ ЯАГААД ХЭРЭГЖИХ БОЛОМЖГҮЙ БӨГӨӨД ХУУЛЬ БУС ЗАХ ЗЭЭЛИЙГ БИЙ БОЛГОХ НӨХЦӨЛИЙГ БҮРДҮҮЛЖ БАЙНА ВЭ?

Хуулийн төслийг боловсруулагчид үйлдвэрлэгч болон импортлогчдын өмнө тулгарч буй бодит асуудлуудыг үл харгалзан үзсэн болно. Үүнд:

  1. Эрүүл мэндийн зурагт анхааруулгын хэмжээг 70 хувь болгон нэмэгдүүлэх шаардлага нь ийм богино хугацаанд техникийн хувьд хэрэгжих боломжгүй болно;
  2. Тамхины амтнаас бусад бүх төрлийн амт, үнэр оруулагчийг хориглох нь хууль ёсны бүх тамхин бүтээгдэхүүний жорыг хориглож байгаатай адил болно;
  3. Бүтээгдэхүүнийг хаалттай тавиурт байрлуулах шаардлагыг хэрэгжүүлэхийн тулд худалдааны цэгүүдэд бүх тоног төхөөрөмжөө солих хангалттай хугацаа олгоогүй байна.

Түүнчлэн Монгол Улсын хууль тогтоомжийн дагуу эдгээр бүх шаардлагыг хуульд бус, Техникийн зохицуулалтад тусгах ёстой байдаг. Энэхүү процедурын ноцтой зөрчил нь уг баримт бичгийг урьдчилан хэрэгжих боломжгүй болгож байна.

ХУУЛЬ БУС ХУДАЛДААНААС ХЭН ХОЖИХ ВЭ?

  • Хууль ёсны зах зээл нуран унаж, олон мянган ажлын байр эрсдэлд орно;
  • Улсын төсөв тогтвортой татварын орлогоо алдана;
  • Иргэд ямар ч хяналтгүй, чанаргүй, аюултай бүтээгдэхүүн худалдан авах болно.

БИД УХААЛАГ ШИЙДВЭР ГАРГААСАЙ ГЭЖ ХҮСЭЖ БАЙНА!

  • Зохих ёсны хэлэлцүүлэг хийлгүйгээр баталсан, хэрэгжүүлэх боломжгүй шаардлагыг хүчингүй болгох;
  • Холбогдох бүх талын оролцоотой нээлтэй хэлэлцүүлэг зохион байгуулах;
  • Дэлхийн жишгийн дагуу бизнес болон төрийн бодит боломжийг харгалзан өөрчлөлтийг үе шаттайгаар хэрэгжүүлэх.

Тамхины зах зээлийг хууль бус наймаанд бүү алдаарай!