Хөвсгөл аймгийн Баянзүрх сумын нутаг дахь Дэлгэрмөрөн голд хүн живсэн тухай дуудлага 2026 оны долдугаар сарын 8-ны өдөр Онцгой байдлын байгууллагад бүртгэгджээ.

Энэ талаар Онцгой байдлын ерөнхий газраас тодруулахад, дуудлагын дагуу алба хаагчид шуурхай ажиллаж, Дэлгэрмөрөн голын эргээс 50 орчим метрийн зайд 44 настай, эрэгтэй иргэн Б-ийн цогцсыг илрүүлсэн байна.

Аврагчид 15:40 цагт иргэний цогцсыг голоос гарган авч, Хөвсгөл аймгийн Баянзүрх сум дахь Цагдаагийн хэсгийн төлөөлөгчид хүлээлгэн өгчээ. Онцгой байдлын байгууллагаас иргэдийг гол, мөрөн, нуурын усанд орох болон амарч, зугаалах үедээ аюулгүй байдлаа хангаж, усны ослоос сэрэмжтэй байхыг анхааруулж байна.