Энэ сарын 7, 8-нд ихэнх нутгаар халалт үргэлжлэх ба энэ үеэр иргэдийн гол, ус бараадах хөдөлгөөн эрс нэмэгддэг тул цаг уурын байгууллагаас дараах сэрэмжлүүлгийг хүргэлээ. 

Иймд, иргэд гол, мөрөн нуурын ойролцоо аялж амрахдаа сонор, сэрэмжтэй байхаас гадна бага насны хүүхдийг голын эрэг дагуу ганцааранг нь үлдээхгүй, хараа хяналтаа сайжруулахыг анхааруулав. 

Мөн согтууруулах ундаа хэрэглэсэн үедээ гол, ус руу орох, зориулалтын бус хөвөгч хэрэгсэлтэйгээр гол усанд орохгүй байхыг зөвлөж байна. Баталгаатай гүүр, гарам, гарцтай газраар автомашинтай зорчих зэргээр урьдчилан сэргийлэх арга хэмжээг хэрэгжүүлэхийг зөвлөж байна.