Ерөнхий сайд Н.Учрал Аж үйлдвэр эрдэс баялгийн сайд Г.Дамдиннямд ОХУ-ын Москва хотод томилолтоор ажиллах үүрэг өгчээ.

Сайд Москва хотод ажиллаж буй бөгөөд ОХУ-ын Эрчим хүчний яам, “Роснефть”, “Газпром нефть” компанийн удирдлагуудтай өчигдөр (2026.08.10) уулзжээ.

Тэрбээр “Монгол Улсад нийлүүлэх түлш, шатахууны хэмжээг нэмэгдүүлэх асуудлыг шийдвэрлэлээ. Наймдугаар сард багтаан нэмэлтээр 25 мянган тонн АИ-92 автобензин, 5 мянган тонн онгоцны түлш Монгол Улсад нийлүүлэхээр тохиролцов.

ОХУ дотооддоо түлш, шатахууны хангамжийн амаргүй нөхцөлд байгаа ч хоёр орны уламжлалт найрсаг харилцааг хүндэтгэн манай улсад нийлүүлэх шатахууны хэмжээг нэмэгдүүлж байна.

Одоо тохирсон хэмжээгээр шатахууныг нэн яаралтай ачиж, татан авах ажлыг зохион байгуулна” гэж цахим хуудсаараа дамжуулан мэдээлжээ.