“Хатан Туулаа хамгаалъя” хөдөлгөөний төлөөлөл АТГ-ын үүдэнд мэдээлэл хийж байна.

Энэ үеэр иргэн Х.Уянга “Хууль зүйн сайд асан, хотын дарга асан Х.Нямбаатарыг АТГ өнгөрсөн сарын 25-нд яллагдагчаар татсан талаар мэдээлсэн. Гэхдээ түүнийг хэзээ авчрах гэж байгаа, шалгаж байгаа эсэх талаар мэдээлэл тодорхойгүй хэвээр байна. Түүнийг хурдан авчирч, шалгахыг “Хатан Туулаа хамгаалъя” хөдөлгөөнийхөн шаардаж байна. Мөн Х.Нямбаатар намайг таван удаа шүүхэд хандсан. Гэхдээ намайг удаа дараа гүтгэж, харлуулж байсан.

Монгол Улсын иргэд 700 м.кв талбайгаа авах гэж олон жил зүтгэдэг. Энэ газраа авна гэдэг хүнд даваа. Хотын дарга асан Х.Нямбаатар зохион байгуулалттайгаар бусдыг гүтгэх, хууль бус үйл ажиллагаа явуулснаа нуун дарагдуулах зорилгоор сэтгүүлчдийг хөлсөлсөн байж магадгүй байна. Энэ баримтаа цагдаагийн газарт өгч, шалгуулах болно.