Энэ хүн бол УИХ-ын гишүүн Р.Гончигдорж. Тэрбээр ардчилсан парламентын эхлэлийг тавьж, ард­чиллын төлөө тууштай тэмцсэн нэгэн. Шинэчлэлийн Засгийн газар байгуулагдсанаас хойш буюу Ардчилсан нам түүхэндээ хоёр дахь ялалтаа авсан энэ үед Р.Гончиг­дорж албан тушаалгүй хоцор­сон.

Гэхдээ тэр зарим хүн шиг албан тушаал аваагүйдээ гомор­хож, уурласангүй. Харин чимээгүй суусан юм. Түүнийг ийн чимээ-гүй суусны дүнд намынхан нь УИХ-ын дэд даргад тохирох хүн хэмээн  үзэв. Түүнд энэ албан тушаал жижигдэнэ үү гэхээс томдохгүй. Монгол Улсын дэд Ерөнхийлөгч, УИХ-ын дарга, Ардчилсан намын дарга гээд томоохон албан тушаалыг хашиж байсан хүн учраас тэр юм. Ийнхүү намынхан нь ёс зүйн хариуцлага алд­сан С.Баярцогтынхоо оронд Р.Гончигдоржийг энэ албанд тохирох хамгийн боломжтой хүнээр тодрууллаа. Түүнтэй хамт Ардчилсан намын олон гишүүн дэд даргын суудалд яригдаж бай­сан юм. Ардчилсан намын тулхтай түшээдийн нэг түүний үгийг анхааралтай сонсох гишүүн бий болов уу. Нэг үгээр хэлбэл на-мын­хаа ахмад гишүүний хувьд залуучууддаа үлгэр дуурайл болох ёстой. Энэ үүргээ ч биелүүлж яваа гэхэд онох байх. Цагтаа Монгол Улсын Ерөнхийлөгчийн сонгуульд өрсөлдөж явсан Р.Гончигдорж парламентын жаргал, зовлонг гарын 10 хуруу шигээ мэднэ. Түүнийг УИХ дахь Ардчилсан намын бүлгээс дэмжсэн ч Төрийн байгуулалтын байнгын хороо, УИХ-ын чуулганы нэгдсэн хуралдаанаар эцэслэн шийдвэрлэх учиртай.

 

Ц.Энхцэцэг