“Харри Поттер” киногоороо олонд танигдсан жүжигчин Даниэль Рэдклифф нь 2015 он болтол дөрвөн кинонд тоглох гэрээ хийсэн. Энэ онд гарах “Horns”  бүтээл нь арван сард нээлтээ хийх бөгөөд киноны трэйлэр саяхан дэлгэцнээ гарчээ. Энэхүү киноны найруулагчаар Александр Ажа ажилласан бөгөөд кинонд  Даниал Рэдклайф, Жуно Тэмпл, Кэли Гарнэр, Жой Андэрсэн, Макс Мингэлла нар дүр бүтээжээ.

Уг  кино нь ер бусын гэж хэлж болох үйл явдлууд, уран зөгнөл, учир битүүлэг хайр дурлалын тухай өгүүлэх юм. Нэгэн үдэш тэрбээр дарс хэтрүүлэн уусан байх бөгөөд сэрээд хартал түүний толгойноос эвэр бүхий зүйл ургаж байгааг харна. Тэрбээр өөрийгөө ер бусын хүчтэй болсон гэдгээ мэдэрдэг. Тиймээс хүмүүсийн хийх ёс бус үйлдлийн эсрэг хүчээ ашиглах бөгөөд түүний эхний мөрдөх хэрэг бол түүний хуучин найз охиных нь үхэл юм.

Ингээд тус киноны трэйлерийг хүргэе. 

 Б.Мөнгөлжин