Өвөрхангай аймгийн Сант сумын I багийн иргэн 15 настай С.Мягмарсүрэн тарваган тахлаар өвчилсөн талаар бид өмнө нь мэдээлсэн.  Тэгвэл Өвөрхангай аймгийн Сант сум нь тахлын голомтгүй гэдгийг  эх сурвалж мэдээлж байна.  

С.Мягмарсүрэнд гэрийнхэн нь аймгийн төвөөс худалдаж авсан тарваганы давагийг түүхийгээр нь залгиулснаас ийнхүү тарваган тахал гарсан юм байна. Хүүд эмнэлгийн тусламж яаралтай үзүүлсний дүнд  биеийн байдал сайжирч байгаа бөгөөд одоогийн байдлаар 54 хүн нэгдүгээр зэргийн хавьталттай ажээ.

Тарваган тахал гарсантай холбоотойгоор Өвөрхангай аймгийн Сант сумын Засаг даргын захирамжаар хорио цээрийн дэглэм тогтоосон байна.

А.Баярмаа