Төв аймгийн Эрдэнэ сумын нутаг дэвсгэрт орших Өвөржанчивлан рашаан ходоод гэдэс, элэг цөсний өвчинг анагаах рашаан ундардаг билээ. Харамсалтай нь "Өвөржанчивлан" рашаан сувилалаас хойш 3-хан км зайд "Тогос Чүлтэм" ХХК  цагаан тугалга олборлохоор рашааны хажууд ажлаа эхлээд байгаа.

Төрийн бус байгууллагуудын хэлж байгаагаар тухайн компани зөвшөөрөлгүй шон хатгаж, худаг гаргаж байгаа аж. “Энэ газарт ердөө 3 км урт, 30-40 метрийн өргөнтэйгөөр ухаад эхлэхээр олон жилийн түүхтэй эрүүл мэндэд нэн тустай Жанчивлангийн рашаан сүйдэж эхэлнэ. Хүний биеийг анагаах увидастай, олон зуун жилийн түүхтэй энэхүү нэн ховор рашааныг устахаас хамгаалах хэрэгтэй. Тиймээс энэ хууль зөрчсөн үйлдлийг таслан зогсоох хүртэл бид тэмцэх болно” гэдгийг  Босоо Хөх Монгол ТББ , ДМНН ТББ  мэдээлж байсан.  

"Тогос Чүлтэм" ХХК  төрийн тусгай хамгаалалтанд байсан газрын тусгай хамгаалалтыг “хурган дарга” нараар цуцлуулж орон нутгийн удирдлагаас ямар ч зөвшөөрөл авалгүйгээр хууль бусаар цагаан тугалга олборлох нэрээр хөндий, булаг, рашаан гол горхийг сүйтгэх гэж байгаа бөгөөд зөвшөөрөлгүй өндөр хүчдэлийн шугам татаж , худаг гаргасан байв байгааг нутгийн иргэд ярьж байна. Тиймээс  энэхүү ажиллагааг нутгийн иргэдийн хамт гэрийг нь буулгаж үйл ажиллагаагаа зогсоохыг шаардсан байна.

Зөвшөөрөлгүй худаг гаргасан байдал