Монголын мянга мянган охид бүсгүйчүүдээс оны шилдгийг нь тодруулан алдаршуулсаар 2004 оноос хойш уламжлал болон тасралтгүй зохион байгуулагдсан "Miss Mongolia" тэмцээний энэ жилийн шилдэг 17-н оролцогчид хэдийнэ тодорч өнгөрсөн өдрүүдэд цуврал тэмцээнүүддээ оролцож эхэлжээ.

   Өнгөрөгч өдрүүдэд шилдэг 17-н оролцогчдын дунд Мисс Фото, Мисс Спортын төрлийн тэмцээн уралдаан амжилттай зохион байгуулагджээ. Ийнхүү өөрсдийн гоо үзэсгэлэн, авъяас билэгээрээ шалгаран үлдсэн шилдэг оролцогчид маань ирэх өдрүүдэд Мисс Модель, Мисс  Бикини, Мисс Авъяас, Мисс Гүүдвилийн төрлүүдэд өрсөлдөж ирэх 10 сард шилдгийн шилдгүүдээ тодруулах юм. Ингээд та бүхэндээ гоо үзэсгэлэн, энх тайвны элч болж, эх орныхоо болон дэлхийн хүмүүнлэгийн үйл хэрэгт хувь нэмрээ оруулж, сайхан сэтгэл, мэдлэг боловсролоороо өндөрт өргөдөхөөр шалгаран үлдсэн шилдэг 17-н оролцогчийн Мисс Фото, Мисс Спортын төрлийн тэмцээн уралдаан фото сурвалжлагаа хүргэж байна.