Үзэгчид яг цагтаа танхим дүүрэн цуглаж, эхлэхээс дуусах хүртэл тасралтгүй алга нэжигнүүлэн ташиж, хамтдаа дуулж бүжиглэсэн гайхалтай тоглолт өчигдөр "Соёлын Төв өргөө"-нд боллоо. Энэ бол "Bee Gees" хамтлагийн сэтгэлд хоногшиж хит болсон дуунуудыг "Sweetymotion" хамтлаг, Төгөлдөр хуурч Б.Чинбат, "Шар айраг" хамтлаг нар амилуулсан амьд тоглолт байлаа.

Диско ритм, гурван хоолойн гайхамшигтай хослолоороо алдаршсан "Bee Gees" хамтлагийн бүх цаг үеийн дуунуудаас хамгийн шилдгүүд нь эгшиглэсэн тус тоглолтод "Words", "How Deep Is Your Love", "Spirits Having Flown",”Night fever", "You should be dancing", "Too much Heaven" зэрэг гайхалтай уран бүтээлүүд эгшиглэсэн нь үзэгчдийн талархлыг ихэд хүлээлээ.

Энэ дашрамд дуулгахад үзэгч түмэнд энэхүү гайхалтай тоглолтыг цэнхэр дэлгэцээрээ шууд хүлээн авах боломжыг олгож "Univision"-ны 88 дугаар сувгаар тоглолтыг шууд дамжуулсан нь бас нэгэн сюрприз байлаа.

www.URLAG.mn