Сонгинохайрхан дүүргийн цагдаагийн хэлтэс  “Аюулгүй Саппоро” арга хэмжээ зохион байгуулж, бие үнэлэгч байж магадгүй 40 гаруй бүсгүйг саатуулжээ.

Энэ бүсгүйчүүд дунд насанд хүрээгүй өсвөр насны охид ч байжээ. 15 настай охин бие үнэлж байгаад саатуулагдсан байна. Тэрээр таван сартай жирэмсэн ажээ. Ээждээ хэлээгүй таг нуусан, ээж ядаргаатай загнаж, хорьж цагдаад байдгийн хэмээн төвөгшөөнгүй хариулах аж. Энэ охин өдөрт 20-25 мянга, орлого сайтай өдрөө 60 мянган төгрөг олдогоо ч нуусангүй. Түүнээс хүсэл мөрөөдлийн талаар асуухад ямар ч байсан хүүхдээ төрүүлнэ дээ, цаашдаа ажилд хийж амьдарна гэх.

Түүний энэ ярианаас ажиглахад  ямар замаа алдсан охин вэ гэж буруутгаж болох ч эцэг, эхийн дэндүү хариуцлагагүй, хайхрамжгүй байдал, хүүхдийн хүчирхийлэл  зэрэг нь амьдралынхаа гарааг эхэлж байгаа олон хүүхдийг буруу замд хөтөлдөгийн гашуун үнэн юм. Энэ охиныг 9 настай байхад хамаатных нь ах хүчирхийлж, амьдралд итгэх итгэл, хүнийг хайрлах сэтгэлд сэв суулгажээ. Дээрээс нь төрсөн эцэг  нь бага балчираас нь хар усанд толгойгоо мэдүүлж, агсам тавьж, ээжийг нь зодож, хэрүүл,  хүчирхийлэл дунд өсчээ. Ээж нь охин үр минь хэмээн хөөцөлдөх ч  өдгөө охин үгэнд орохоо байж, хэдийнээ "том" хүн болжээ.