Дээд Гэгээн Пикчерс компаний ээлжит бүтээл болох "Амьдрал нулимсанд дургүй уран сайхны кино" нээлтээ хийхэд бэлэн боллоо. Киноны ерөнхий найруулагчаар Ц.Энхцогт ажилласан байна.

Ц.Энхцогт энэ компаний өмнөх бүтээл болох “Луйвар” уран сайхны кинонд ерөнхий зураглаачаар ажиллаж байжээ. “Амьдрал нулимсанд дургүй” уран сайхны кинонд өнөөгийн нийгмийн амьдрал, жирийн гэр бүл, эгэл бүсгүйн хувь заяаны тухай өгүүлнэ. Хүний амьдралд юу ч тохиолдож болно. Хувь заяа хаашаа ч эргэж магад. Харин ямар ч үед хүн чанараа гээлгүй тэвчээр, ухаан, хайраар амьдралыг туулах эгэл бүсгүйн тухай энэ киног үзсэн хүн нэгийг бодох болов уу.

Киноны гол дүр болох Юмжирийн дүрийг жүжигчин А. Туяа бүтээж, тайз дэлгэцийн авьяаслаг жүжигчид ажиллалаа. Киноны хөгжмийг Одбаяр (Oki) бичиж, дууг дуучин Эгшиглэн дуулжээ.