Монгол Улсын 2014 оны төсвийн татварын орлого нэг их наяд төгрөгөөр тасарсан, энэ онд мөн дээрх хэмжээгээр тасрах болсон. 

2015 оны төсвийн хуульд тодотгол хийхдээ хэд, хэдэн төрлийн татварын хуульд өөрчлөлт оруулсан юм.

Онцгой албан татварын тухай хуулийн 6.5 дахь “Төлбөрт таавар, бооцоот тоглоомын үйл ажиллагааг цахим, интернэт, үүрэн телефоны сүлжээ ашиглан эрхэлж байгаа хувь хүн, хуулийн этгээдийн үйл ажиллагаанд сар тутам 25000 америк доллартай тэнцэх хэмжээгээр онцгой албан татвар ногдуулна” гэсэн заалтын 25.000 америк доллартай гэснийг 36.250.000 төгрөгтэй болгож өөрчилжээ.

Мөн 6.6 дахь “Онцгой албан татварыг ногдуулахдаа Монголбанкнаас тогтоосон тухайн өдрийн төгрөгийн америк доллартай харьцах албан ёсны ханшийг үндэслэнэ” гэсэн заалтыг хүчингүй болгов. Ингэснээр онцгой албан татварыг ам.доллараар авахаа больж, нэгдүгээр сарын 23-наас эхлэн төгрөгөөр тооцдог болсон байна.