Эл хэрэг энэ сарын 29-нд 12:00-14:00 цагийн хооронд гарсан байна.Тухайн үед нярайг гурван давхраас хогийн пункерт холбогдсон хоолойгоор доош нь хаясан бөгөөд азаар амьд vлджээ. Ингээд бид хэрэг гарсан 27 дугаар байрыг зорилоо.

 

 

Тус байранд биднийг очиход ойр хавийн оршин суугчид бүгд нярай хүүхдийн талаар ярьж байв. Тиймээс тус байрны жижvvр М.Нарантай уулзаж зарим зүйлийг тодруулсан юм.

 

 

 

 

 

-Тийм ээ, байсан. 

 

 

 

-Өчигдөр /уржигдар/ би орцныхоо хогийг цэвэр­лэчихээд СӨХ ороод гэрлийн чийдэн авахаар явсан юм. Тэгээд ирж явтал манай хоёр давхарт амьдардаг оршин суугч залуу “Эгч ээ, ийшээ толгойгоо боосон эмэгтэй хүүхэд тэврээд орц руу орсон.

 

 

Тэгснээ хүүхэдгүй гарч ирчихээд хогийн пункерийн хажууд зогсож байгаад яваад өглөө” гэсэн. Хүүхдээ хаясан эмэгтэй их л сэжигтэй харагдсан байгаа юм. Тэгээд би тэр залуутай байрныхаа бүх давхрыг нэгжсэн ч олоогvй.

 

 

 

-Угаасаа ойлгомжтой. Бүх давхраар хайгаад хүүх­дийг олоогүй. Бид хоёр хогийн пункерийг онгойлгоход хүүхэд уйлах шиг чимээ гарсан. Тухайн үед надад “Арай ч дээ, эх хүн хүүхдээ хаяхгүй байлгүй дээ. Муур юм болов уу” гэж бодогдсон. Харамсалтай нь яах аргагvй нялх хүүхдийн уйлах дуу сонсогдсон. Пункер тас харанхуй байсан болохоор айгаад орж чадаагүй л дээ. 

 

 

 

-Байрны гадуур явж байсан олон хүнээс тийшээ орж үзэхийг гуйсан ч айгаад ороогvй. Тэгсэн харин манай энэ хавьд амьдардаг Л.Баттогтох гэдэг залуу орж хүүхдийг гаргаж авсан. Угаасаа л тэр жаахан амьтныг алах зорилгоор шидсэн байгаа юм. 

 

 

 

-Би хараагүй. Харин оршин суугчдын ярьж бай­гаагаар 18-20 орчим насны л эмэгтэй байсан гэсэн. Толгойдоо алчуур зүүсэн тор барьчихсан эмэгтэй бай­сан гэсэн. үүнээс өөр зүйл мэдэхгvй байна. 

 

 

 

-Харин ч гайгүй байсан. Зөвхөн нүүр, ам нь л улайчихсан байсан. Яана аа л гэж бодож байсан шүү. Азаар хүүхэд бэртэж гэмтээгүй байсан. 

Дараа нь бид нярайг хогийн пункерээс гаргаж авсан Баянгол дүүргийн 15 дугаар хорооны иргэн Л.Баттогтохтой уулзлаа. 

 

 

 

 

 

-Тийм ээ. 

 

 

 

-Өчигдөр /уржигдар/ 14:00 цагийн үед 27 дугаар байрны хажуугаар явж бай­сан чинь жижүүр Нараа эгч нэг залуутай хамт зогсож байсан. 

Тэр хоёр хогийн энд“хүүхэд хаячихаж” гэж хэлсэн юм. Тэр хоёр өөрсдөө айгаад хогийн пункэр руу орж чадаагүй юм билээ. 

 

 

 

-Би ч айж байсан. Тэр жаахан амьтныг үхчихсэн байвал яана аа л гэж бодож байлаа. Гурван давхраас доошоо шидүүлсэн хүүхэд шүү дээ. Намайг пункерт ороход жаахан хүүхдийн уйлах дуу сонсогдсон. Шүдэнз зурж асаагаад хайсан. Азаар хүүхэд амьд байсан. 

 

 

 

-Хүүхдийн доор баахан цаас, зөөлөн хог байсан тулдаа хүүхэд гайгvй байсан юм билээ. Нүүр амыг нь битүү боочихсон байсан. Алах санаатай байсан юм шиг байна лээ. Хүүхдийн биеийн байдал сайн байна, биеийнх нь байдлыг харж байгаад хоёр гурав хоногоос асрамжийн газарт аваачиж өгнө гэж эмч нар ярьж байна лээ. 

 

 

 

-Азаар ёстой гайгүй байсан. Үнэхээр амьдрах хувьтай хүүхэд байсан. 

 

 

 

-Үгүй ээ, нэг их зузаан өлгий биш. Хүмүүсийн ярьж байгаагаас тэр өлгийг нь Эх нялхасаас тавьж өгдөг өлгий байна гэж хэлсэн. Улаан өнгийн ноосон мал­гайгаар нь нүүрийг нь дараад өлгийдчихсөн хэрнээ гадуур нь бор даавуугаар битүү боогоод уячихсан бай­сан. Бүүр бараа боочихсон юм шиг чанга гэгч нь боо­чихсон байсан гээч. 

 

 

Ийнхүү бидний яриа өндөрлөв. Улмаар Эх хүүхэд эрүүл мэндийн үндэсний төвийг зорьсон юм. Тус төвийн Хүүхдийн эмнэлгийн Чанарын менежер Б.Надмидаас нярайн биеийн байдлыг тодруулахад “Одоо­гоор нярайн биеийн байдал сайн байгаа. Бид шаардлагатай бүх эмчилгээг хийсэн. 

 

 

Ямар нэгэн эмгэг өвчин илрэхгүй бол нярайг хүүхдийн эмнэлэгт шилжүүлж, улмаар асрах газарт аваачих бодолтой байна. Нярайг ямар зорилгоор пункерт хаясныг мэдэхгүй. Гэхдээ нярай эхээс төрөөд гурав хонож байгаа нь тогтоогдсон” гэв.

 

 

Баттай эх сурвалжийн мэдээлснээр нярай хүү энэ сарын 27-нд Эх хүүхэд эрүүл мэндийн үндэсний төвд төрсөн байна. Одоогийн байдлаар нярайн эцэг, эхийг олоогүй байгаа аж. Харин нярайг санаатайгаар хогийн пункерт хаясан эхэд эрүүгийн хэрэг үүсгэн эрэн сурвалжилж байгаа гэнэ. 

 

 

Түүнд Эрүүгийн хуулийн 117.1-т зааснаар төрүүлсэн болон үрчлэн авсан хүүхдээ хаясан, төөрүүлсэн гэх үндэслэлээр хэрэг үүсгэжээ.  Ямартай ч хүүхдээ хаясан эхэд хуулийн дагуу хөдөл­мөрийн хөлсний доод хэмжээг 51-251 дахин нэмэг­дүүлсэнтэй тэнцэхүйц мөн­гөн торгууль ноогдуулах, эсвэл 3-6 сар хүртэлх хугацаагаар ял оноох аж.  

 

Харин мөрдөн бай­цаалтын явцад хүүхдээ хөнөөхийг завдсан нь тог­тоогдох аваас “Бусдыг санаа­тайгаар хөнөөхийг завдсан” гэх зүйл ангиар шийтгүүлэх юм байна.