"Бид4" хамтлаг тун удахгүй шинэ клипээ цацах гэж буйгаа дуулгалаа. Ингээд тус хамтлагийн залуустай уулзаж шинэ уран бүтээлийнх нь талаар тодруулга авсан юм.  

-Тун удахгүй шинэ клипээ хүргэхээр трелейрээ цацаж эхэллээ. Шинэ уран бүтээлийн талаар?

-‘’Бид4’’- ийн эхний цомогт орсон ”Хүсэл мөрөөдөл” дууны клип хийгдэж бэлэн боллоо. Уг дууг маань продюссер Төрийн соёрхолт Д.Болд зохиож үгийг ZZ бичсэн. Клип дүрсийг Боловсрол суваг телевиз, Ролл энтэртайнмэнтийнхэн хийж гүйцэтгэлээ.

-Шинэхэн бүтээл нь хэзээ үзэгчдийн хүртээл болох вэ?

-Энэ 7 хоногийн сүүлээр Боловсрол суваг телевизээр албан ёсоор цацаж эхлэнэ.

-Клипэндээ өөрсдөө тоглосон уу, зураг авалтын талаар?

-Дуу маань өөрөө хөнгөн хэмнэлтэй , залуу нас хүсэл мөрөөдлийн тухай дуу болохоор тэрийгээ дагаад клип маань их сонирхолтой үзүүштэй гоё болсон гэж найдаж байна . Клипэндээ өөрсдөө тоглосон. 

Өөр өөр мэргэжилтэй боловч хүсэл мөрөөдөл нэгтэй дөрвөн залуугийн дүрд тоглосон. Тухайлбал, Б.Замбалгарав маань тайзны техникч болсон бол Д.Зориг онгоцны үйлчлэгч М.Баяраа гал сөнөөгч Б.Оргил маань тогооч гээд маш сонирхолтой өөрийн гэсэн онцлогтой мэргэжлүүдэд хувиарлагдаж тоглосон.

Зураг авалтын хувьд мэргэжилтэйгээ тохируулааад дүр болгон өөр өөр обьектэд авагдсан маш сонирхолтой хөгжилтэй гоё клип болсон гэж найдаж байна. ROLL Entertainment ийн залуусдаа болон дуу клипийг бүтээхэд оролцож тусалсан бүх хүмүүсдээ найзууддаа мөн ар гэрийнхэндээ маш их баярлалаа гэдгээ хэлмээр байна.  Ингээд тун удахгүй бидний шинэхэн клип та бүхэнд хүрэх болно баярлалаа.

Д.Ана