Олон улсын хүүхдийн эрхийг хамгаалах өдрийн хүрээнд “Талх Чихэр” ХК  Дархан-Уул аймгийн “Дархан 50 цогцолбор”-т хүүхэд багачуудтай хамт “ТАЧИ” өдөрлөгийг зохион байгууллаа.

Өдөрлөгийн хүрээнд сугалаат, урамшуулалт худалдаа, хөгжөөнт тэмцээн зохион байгуулж авьяаслаг, алиа хошин алиалагч нартай хөгжилдөн зургаа авахуулж азтан болсон хүүхдүүд, ээжүүдэд шагнал гардууллаа.

Өнгөрсөн жилүүдэд тус компани Үндэсний соёл амралтын хүрээлэнд  ТАЧИ өдөрлөгийг зохион байгуулж мөн хамгийн том 20метр урт бялуу төдийгүй  хүүхэд, залуучуудын идэх дуртай амтат бялуу, талх, нарийн боовоор Мөрөөдлийн хотхонг урлан нийслэлийн хүүхэд багачуудтай баярын энэ өдрийг тэмдэглэн өнгөрүүлж ирсэн.

Ийнхүү бидний хэлдэгээр хүүхдийн баярын нэг өдрийг хөгжөөнтэй, дуу хууртай өнгөрүүллээ.