“Хайрлаж болох уу”, “9009”, “Валенитины захидал” кинонд тоглон олны танил болсон П.Шүүдэрцэцэг шинэхэн дүрээ бүтээгээд удаагүй байгаа. "Анирлагч" кинонд тоглосон цагаас эхлэн найз залуудаа дахин нүцгэлсэн дүр бүтээхгүй хэмээн амалсан гэдэг. 

Тэрбээр загврыг тоож байсан ч дизайнеруудад намхан гэдгээрээ гологдсон тухайгаа нэгэнтээ дурссан. Тэрбээр дуучин Анутай ихэд дотно найз гэнэ шүү. Ануг том охиноо төрүүлэхэд тээгч эх хөлсөлсөн гэх шуум дэгдсэн. Тэгвэл энэ шуугианд Шүүдрээ ч бас итгэсэн байна.

Энэ тухайгаа "Ану бол төгс эмэгтэй. Би түүнийг хэзээ ч будаггүй байхыг нь харж байгаагүй, ер нь ч будаггүй байдаггүй байх. Анх би Ануг өөрөө төрсөн гэдэгт нь ч итгэдэггүй, тээгч эхээр хүүхдээ төрүүлсэн гэж боддог, өөрт нь ч хэлдэг байсан. Сүүлд бага охиноо тээж байхад нь итгэхгүй, гэдсийг нь харж байсан. Тэгээд өөрөөсөө маш их ичсэн. Ану бол ямар ч эмэгтэйн хийж чадахгүй хийсэн, хамгийн гайхалтай эмэгтэй. Анугийн нөхөр нь манай ангийн хүүхэд болохоор ч тэр үү бид их дотно байдаг" хэмээн хэвлэлд өгсөн ярицлагадаа ний нуугүй дэлгэжээ.
 

О.Ариун