Сүүлийн 10 гаруй жилийн хугацаанд хүнсний гол нэрийн бүтээгдэхүүний үнийн өсөлтийг хараад төгрөг хэр чанга байж бидний хэлдгээр "жинхэнэ мөнгө" байсныг харж болно.

Өдөр бүр дээд ханш шинэчлэгдэж, өнөөдрийн байдлаар Монголбанкны ханш 2036.88 төгрөгтэй тэнцэв. Өргөн хэрэглээний бараа бүтээгдэхүүний үнэ ч "ногоон"-ыг дагаж өсч буй. Шинэчлэлийн засгийн газрын үед үнийн өсөлтийг дээд цэгт нь хүргэж байсан удаатай. Шийдлийн засаг "эдийн засгаа" л бодно хэмээсэн ч үндсэндээ хийсэн дорвитой ажил гээд нэрлэчих юм алга. Орон сууцны зээлийн хүүг бууруулах талаар хэлэлцэж байгаа нь сайшаалтай ч нөгөөтэйгүүр эрсдэл дагуулж мэднэ хэмээн эдийн засагчид хаширлаж байгаа дуулгасан. Ямартай ч монгол төгрөг хүчгүйдэн хэдийнээ тураалд орсон гэдгийг хэн хүнгүй мэдэж байгаа ч өдгөө үүнд биш сонгуульд анхаарлаа хандуулаад буй.

Бидний өдөр тутмын хэрэглээ болсон хүнсний бүтээгдэхүүний үнэ сүүлийн ТАВАН жилийн хугацаанд хэрхэн нэмэгдсэнийг дараах график үзүүлэлтээс харна уу.