Энэ хорвоод хүн болж төрнө гэдэг зүүний үзүүрт арвай тогтоохтой ижил хэмээх эртний үг бий. Харин ижий, аав байхын жаргал энэ орчлонгийн хамгийн том жаргал гэх. Гэтэл төрүүлсэн үрээ хөсөр хаясан хөлдүү сэтгэлт нэгэн байх юм.

Тодруулж хэлвэл, өнгөрөгч 27-ны өдөр Баянзүрх дүүргийн Цагдаагийн хэлтэст нэгэн дуудлага ирсний дагуу цагдаагийн баг бүрэлдэхүүн очиж шалгалт явуулахад Цайз захын орчим төрөөд удаагүй нярайгаа орхиод явсан байжээ. Одоогийн байдлаар нярайн биеийн байдал сайн байгаа хэмээн эх сурвалжууд мэдээлж байгаа юм. Тус дүүргийн цагдаагийн хэлтсээс хаягдсан нярайн эцэг, эхийг тодруулахаар ажиллаж байна.

Төрүүлсэн үрээ хаяад явсан тэр хүмүүст эцэг, эх байх эрхгүй санагдана. Араатан, амьтан ч үр зулзагаа хамгаалдаг атал ийнхүү ухаант хүн үрээ хаяад явсан байх юм.