Ази, Европын парламентын уулзалт манай улсад хоёр өдөр үргэлжилсэн. Тус уулзалтаар АСЕМ-ын чуулга уулзалтаар хийгдэх гэрээг хэлэлцсэн билээ. Тэгвэл хоёр өдөр их хотын хөдөлгөөн хумигдсан. Энэ талаар Ч.Ганхуяг "Хөөйе!!! Малнуудаа!!! Энэ АСЕМ-ын нөхөд чинь хоосон зоопарк үзэх гэж ирээгүй ээ. Ажил хийж, орон нутгийн онцлогтой, эгэл жирийн амьдралтай танилцах гэж ирсэн юм. Дайн дажин болсон юм шиг энэ хорио цээрээ зогсоо!!! Хүмүүсийн амьдралыг үргэлжлүүл!!! Бид амьдралаа явуулмаар байна!!! Бид энэ хэдийг дэлбэлэхгүй. Энэ хэдэд бид байгаагаараа таалагдахыг хичээнэ. Та хэдээс илүү... Иргэдээсээ бүү ай. Бүү ич. Хойд Солонгосыг бага дуурай" хэмээн сэтгэгдлээ өчигдөр илэрхийлсэн юм.

Харин түүнийг дэмжигчид их байсан ч нөгөөтэйгүүр "Давосын уулзалтаар ч мөн л ингэдэг биз. Өөрөө үзэж харсан байж битгий ингэж аашил" хэмээн буруутгаж байв.