ХҮН УИХ-ын 2016 оны сонгуульд оролцохгүй тул УИХ-ын гишүүн С.Ганбаатар намаасаа гарч, өөр нам, эвслээс УИХ-ын сонгуульд нэр дэвших нь тодорхой болсон.

 

Түүнтэй АН-ын удирдлагууд, МАН-ын Удирдах Зөвлөлийн 2 гишүүн уулзаж, тус тусын намдаа элсэхийг урьсан тухай эх сурвалжууд өгүүлж буй. Гэсэн хэдий ч тэрээр өчигдөр мэдээлэл хийж, "МАН-АН-д орсоноос үхсэн минь дээр" гэсэн билээ.

 

Тэрээр мөн Тусгаар Тогтнол, Эв Нэгдлийн Намд элсэх эсэх талаар ч ярилцаж байсан тухай бид өмнө нь мэдээлсэн.

 

Тэгвэл УИХ-ын гишүүн С.Ганбаатар сүүлийн өдрүүдэд Ерөнхийлөгч асан Н.Энхбаяртай яриа хэлэлцээр хийж буй тухай эх сурвалж өгүүлж байна. УИХ-ын гишүүн С.Ганбаатарыг МАХН-д элсэж, УИХ-ын сонгуульд оролцохыг Н.Энхбаяр өөрөө анхлан санаачилсан бөгөөд одоо нэр дэвших тойрог болон Ерөнхийлөгчийн 2017 оны сонгуультай холбоотой ойлголцолд хүрэх асуудал дуусаагүй байгаа аж.

 

П.Мандах

sonin.mn