Хонь

Гэр бүл, хувийн амьдарлаа цэцэглүүлэх сар ирж байна. Дотоод сэтгэлийн амгалан тайван байдлаа эрхэмлэж, аль болох хайртай хүмүүсээрээ хүрээлүүлэхийг чи хүсэх болно. Сарын сүүлийн өдрүүдэд ирээдүйн төлөвлөгөөндөө өөрчлөлт оруулна эсвэл цоо шинээр гаргана. Зөн совиндоо битгий эргэлзээрэй.

Ажлын байран дээрээ бусадтай уян хатан, эв найртай хамтран ажиллаж, зөрчилдөөний үед төвийг сахих нь Хонинуудад ээлтэй. Өөртөө итгэлтэй байж, шаргуу хөдөлмөрлөх цаг нь мөн ч гэлээ тухайн нөхцөл байдалд зохицох чадвартай байх хэрэгтэйг од эрхэс сануулж байна. Бусдад туслах, сайн үйлсийн үйл ажиллагаанд оролцохоос битгий татгалзаарай. Энэ нь сэтгэл санааг чинь төсөөлж байгаагүйгээр өргөж өгөхөөс гадна ирээдүйн карьерт чинь хэрэгтэй.

Гэр бүл, хайртай хүмүүстээ сайхан хандаж, анхаарал халамж тавьснаар ажил хэрэгт хэрэгцээтэй томоохон боломжийг тэднээсээ олж авна. Ажил хайж байгаа Хонинуудад сарын 13-19-ний хооронд боломж гарч ирнэ. Шинэхэн бизнес эрхлэгчдэд хэлэхэд боломж тун ойрхон байна. Харин чи томоохон барилга байшинтай холбоотой ажил хийдэг эсвэл холбоотой төсөл дээр ажиллаж байгаа бол тэндээс үүдэлтэй бухимдал, стресс чамайг хүлээж байна шүү.

Сугар гарагийн буцах хөдөлгөөнөөс шалтгаалж санхүүгийн нөхцөл байдал чинь төдийлөн сайн байхгүй л болов уу. Өмнө гаргасан байсан санхүүгийн төлөвлөгөө эсвэл зорилгоо ахин нэг хянаж өөрчлөх хэрэгтэй болно. Орлогын өсөлт чиний төлөвлөж байсанд хүрэхгүй бөгөөд тэвчээрийг чинь сайн гэгч нь шалгах бололтой. Мөнгөтэй холбоотой бухимдал чамайг хүлээж байгаа бөгөөд үүнд аль болох бэлтгэлтэй байж, өөртөө хэт өндөр хүлээлт үүсгэхгүй байхыг од эрхэс сануулж байна. Мөн санхүүгийн нөхцөл байдал, ирээдүйн төлөвлөгөөндөө бодитоор хандах хэрэгтэй ба үгүй бол эргэн тойрныхонтойгоо зөрчилдөхөд хүрч болзошгүй.

Сугар гарагийн буцах хөдөлгөөний улмаас сарын эхэн үед хостой, гэр бүлтэй Хонинуудын хайр дурлалын харилцаанд түвэгтэй нөхцөл байдал үүснэ. Энэ нь мөнгөтэй холбоотой байж мэдэх бөгөөд хайртай хүмүүсийнх нь мөнгөнд хандах хандлага Хонинуудыг бухимдуулж мэдэхээр байна. Гэхдээ сарын дундуур нөхцөл байдал сайжирч бие биенээ ойлгож, буулт хийх ба энэ нь та хоёрын харилцааг улам бат бөх болгож чадна. Энэ сард жирэмслэлт, гэр бүл, хуримтай холбоотой томоохон шийдвэр гаргахаас зайлсхийгээрэй. Харин ганц биечүүд сургууль боловсролын газар эсвэл найз нөхөд дундаасаа шинэхэн романсаа олох магадлалтай.

Сарын 21-ээс хойш эрүүл мэнддээ анхаарч, сайтар амарч авахыг зөвлөж байна. Дархлаа муудаж магадгүй бөгөөд салхинд гарах, аялах, иллэг хийлгэж, алжаалаа тайлснаар дархлаагаа нөхөн сэргээх боломжтой. Сэтгэл санаагаа өөдрөг байлгаснаар биеийн чинь эрүүл мэнд дагаад сайжирна. Эрүүл хооллох хэв маягтай болоход одоо ч оройтоогүй байна шүү.

Хайртай хүмүүс гэр бүлтэйгээ ойр байх сайхан сар ирж байгаа ч томоохон шийдвэрүүдийг аль болох хойшлуулах нь дээр хэмээн од эрхэс чамд зөвлөж байна.

Үхэр

Од гаригсийн хүч чиний ордны өмнөд хэсэгт төвлөрснөөр Үхрийн ордныхон энэ сард гэр орны болон дотоод сэтгэл зүйн асуудлууддаа илүү их анхаарал хандуулах төлөвтэй. Харин ажил хэргийн асуудлууд чиний анхаарлыг нэг их татахгүй учраас тэднийг түр хойш нь тавиад өөрийгөө болон өрхөө төвхнүүлэхэд хүч чадлаа зориулаарай. Энэ сард тавьж буй аливаа зорилгодоо хүрэхийн тулд хааяа зөвхөн өөрийнхөө бодлыг дагаж, хааяа танилуудынхаа тусламжийг авах бололтой.

Олон нийтийг хамарсан, найз нөхдийн үйл ажиллагаануудад оролцсоноор чи цагийг сайхан өнгөрүүлэх болно. Гэр бүлийнхэнтэйгээ хамт ямар нэг шашны, сүсэг бишрэлийн шинжтэй үйл ажиллагаануудад ихээр оролцож магадгүй. Үхрийн ордныхон ямар нэг хүмүүнлэгийн ажил хийхийг хүснэ. Мөн чөлөөт цагаа ихэвчлэн ур чадвар, боловсролоо дээшлүүлэх, сонирхолтой сэдвүүдээрээ бусдад заах ажлуудад зориулах болов уу.

Карьерынхаа асуудлуудыг цэгцлэх нь чамаас тэсвэр тэвчээр шаардах болно. Бизнесийхээ ирээдүйн чиг хандлагыг төлөвлөж, тооцоолон, түүнд хүрэх зөв арга барилыг сонгоход цагаа зарцуулаарай.

Ганц бие Үхрийн ордныхонд янз бүрийн романтик учралууд тохиох боловч тэдгээрийн хэн нь ч удаан хугацааны харилцаа үүсгэхэд тохиромжгүй. Хостой үхрийнхний зөрүүд зан хөдөлснөөр багагүй маргаан асуудал дагуулж магадгүй. Бие биентэйгээ ярилцаж ойлголцсоноор сарын дундуур эвлэрэх болно. Хосын чинь хэрэгжүүлж буй ажил хэргүүд ашиг орлого ихийг авчрах боловч их хэмжээний хөдөлмөр шаардах болно.

Үхрийн ордныхны өөрсдийнх нь санхүүгийн байдал "ярих юмгүй” сайн байх төлөвтэй. Үл хөдлөх хөрөнгөтэй холбоотой үйлээс их хэмжээний ашиг олох болно. Чиний эргэн тойрны найз нөхөд, гэр бүлийнхэн чамд мөнгөн тусламж үзүүлэхдээ гар татахгүй. Эрсдэлтэй ажил хэрэг, наймаанд оролцсон ч эргээд санаанд оромгүй ашигтай байж чадна. Ойр дотны хүмүүс, хөрш зэргээсээ үйлчлүүлэгчээ хайгаарай. Орлогоо өсгөхийг хүсэж байвал маркетинг, сурталчилгаандаа ахиц гарга.

Эрүүл мэндийн тал дээр ноцтой асуудал гарахгүй. Хоолны дэглэм, фитнесстэй холбоотойгоор мөрдөж байсан шинэ дэглэм чинь сарын эцэс гэхэд дуусах болно. Ходоодны шархаа үл тоомсорлох хэрэггүй.

Эцэст нь хэлэхэд, гэр орны дотоод асуудлуудаа цэгцэлснээр энэ сарыг үр бүтээлтэй өнгөрүүлэх болно.

Ихэр

Ихрийн ордныхон ирэх сарын турш гэр бүлтэйгээ харидлцаагаа сайжруулах, улам бататгах, бие биедээ хайр халамжаа мэдрүүлэх хүслээр дүүрэн байна. Ажлын амжилт чинь хувийн амбицаас илүү сэтгэл хөдлөл дээр өрнөнө. Хийж байгаа бүх зүйлээсээ сэтгэл ханамж, бие даасан байдлыг мэдрэхийг Ихрүүд хүснэ. Од гарагсийн нөлөөгөөр Ихрүүд сар турш дур булаам байж бусдыг өөртөө татсаар байх бололтой. Байгалиас заяасан төрөлхийн сэргэлэн, шулуухан зан чанар чинь эргэн тойрныхон болоод шинэ танилуудад чинь таалагдана. Өөртөө итгэх итгэл өндөр байх болохоор зорьсон зүйлсээ саадгүй биелүүлж чадна.

Хэрвээ чи ажил хайж байгаа бол гайхалтай боломж өмнө чинь гарч ирэх болно. Харин нийт Ихрүүдийн хувьд албан тушаал, ажлын талаарх асуудлууд түр хойш тавигдах бололтой. Бизнес эрхлэгчдийн хувьд бусадтай харилцах харилцаа амжилттай ажиллах үндэс чинь болно. Боловсролоо дээшлүүлэх болон газар үзэх зорилгоор хилийн дээс алхаж магадгүй.

Санхүүгийн хувьд бүх зүйл гайхалтай байх болно. Хэр их орлого олж байгаа чинь албан тушаал байр сууриас илүү чухалд тавигдах бололтой. Тийм ч ойр биш байдаг томоохон хүнээс үүдэлтэй нэлээд хэмжээний орлого орж ирэх магадлал өндөр байна. Мөн чиний бусдын өмнө ярих, илтгэх чадвар чинь орлогоо нэмэгдүүлэх нэг арга чинь болно.

6-р сарыг бүхлээр нь дүгнэж хэлбэл Ихрүүд санхүүгийн нөхцөл байдалдаа сэтгэл хангалуун байж, хайр дурлалын адал явдлаар цалгих ч ганц биечүүд өөрийг нь бүтэн болгох жинхэнэ хайрыг хүлээсээр байх болно.

Мэлхий

Сарын эцсээр чиний төлөвлөж байсан ажлууд бүтэмжтэй байх ч оюун бодол, зүрх сэтгэл чинь хоорондоо зөрчилдөнө. Тиймээс одоогийн хийж байгаа зүйл, өнгөрсөнд туулсан зам, үзэл бодолдоо дүгнэлт хийж, өөртэйгөө нэлээд ярилцах бололтой. Мэлхийнхэн энэ сард урьд урьдынхаасаа илүү амбицтай байж, зорилгодоо хүрэхийн тулд бүхнээ дайчилна. Хэнээс ч хамааралгүй амьдрахыг хүссэн хүсэл чинь чамайг амжилт руу хөтөлнө. Гэхдээ саад бэрхшээл, сургамжгүй бүтчихдэг зүйл гэж хаа ч үгүй билээ. Өөрийн гэсэн итгэл үнэмшилтэй байх нь ирээдүйн амжилтад чинь сайнаар нөлөөлнө. Шашины холбогдолтой арга хэмжээнд оролцож магадгүй байна. Мөн энэ сард боловсролоо дээшлүүлэх сургалт, арга хэмжээнд хамрагдахад ээлтэй.

Ажил хэргийн хувьд энэ сарыг "дүлий” хэмээн тодорхойлж болох юм. Мэлхийнүүдэд ямар ч шинэ зүйл тохиолдож, гайхшруулахгүй бололтой.Харин зарлага орлогынхоо балансыг сайтар барьснаар санхүүгийн нөхцөл байдал чинь гайхалтай байх боломжтой. Ажил мэргэжил болоод бизнес төслүүдтэй холбоотой их хэмжээний орлого орж ирнэ. Цалин нэмэгдэх эсвэл нэмэлт шагнал урамшуулал бодогдох бололтой. Гэхдээ зарлагадаа тооцоотой хандахыг ахин сануулъя. Хайрт чинь чамд санхүүгийн нэмэлт тусламж үзүүлнэ.

Мэлхийнхний хувьд энэ сар хайр дурлалын талбар тэр чигтээ ивээгдсэн гэж хэлэхэд болохоор байна. Хостой Мэлхийнүүдийн харилцаа халуухан, хайраар дүүрэн байна. Хуримлах, шинэ хүнтэй болох гэх мэт томоохон шийдвэрүүд энэ сард гаргана. Харин ганц биечүүд хүсэж байсан хүнээ олох магадлал өндөр байгаа бөгөөд сарын турш догдлол, сэтгэл хөдлөлөөр дүүрэн байх нь. Хайж явсан хүнтэйгээ сайн дурын бүлгийн уулзалт, үдэшлэг, найзуудын арга хэмжээн дээр учрах магадлал өндөр. Гэр бүлтэй Мэлхийнхэн хамтдаа тансаг цаг хугацааг өнгөрүүлнэ. Санхүүгийн нөхцөл байдал сайн байгааг ашиглан өөрсдийгөө эрхлүүлэх бололтой.

Мэлхийнүүд өмнөхөөсөө илүүтэй эрүүл мэнддээ анхаарч, хөдөлгөөн, хооллолт, нойр гурваа юу юунаас түрүүнд тавина. Энэ нь ч чамд сайн бөгөөд сарын турш эрч хүчээр дутагдахгүй.

Арслан

Арслангийн ордныхон 6-р сарын турш хувийн амбиц, ажил хэрэгтээ л ихээхэн төвлөрөх бололтой. Гэр орны ганц нэг асуудлууд л анхаарлыг чинь татна. Чи бусдын үзэл бодол, тав тух зэргийг хойш тавьж, оронд нь өөрийн хүсэл сонирхол, бие даасан байдлыг илүүд үзнэ. Гэхдээ ордны чинь бие даасан байдал хангалттай хүчирхэг биш байгаа тул зорилгодоо хүрэхийн төлөө танил, найз нөхдөөсөө тусламж хүсэхдээ бүү цааргалаарай. Энэ сард ямар нэг том төсөл, ажлын гүйцэтгэлийн багт орсноор амьдрал чиний тэсвэр тэвчээр, ачаалал даах чадварыг шалгах болно. Шаргуу, хатуужилтай зан чинь чамд бизнесийн ажил хэргээ гүйцэлдүүлэхэд тусална.

Арслангийн ордныхон энэ сард мөнгө санхүүтэй холбоотой асуудалд нэг их татагдахгүй боловч энэ нь тэдний орлогод сөргөөр нөлөөлөхгүй. Сарын 3 дах долоо хоногийн үеэр санхүүгийн зөн совин чинь өндөр байх бөгөөд мөнгөтэй болох аятайхан боломжууд гарч ирэх болно. 6-р сарын эхний долоо хоногт мөнгөтэй холбоотой ямар нэг том шийдвэр гаргах шаардлагатай болох нь. Арилжааны үйл хэргүүд ашигтай байна. Чи аливаад төлөвлөгдөөгүй зүйлд зөн совингоо даган хөрөнгө оруулалт хийх магадлалтай. Найз нөхөд чинь чамд санхүүгийн талын дэмжлэг үзүүлэх болно.

Энэ 6-р сард од эрхсийн нөлөөллөөс хамаарч Арслангийн ордныхон бусад хүмүүстэй харилцах харилцаандаа хойрго хандаж магадгүй. Чамд олон нийтийг хамарсан үйл ажиллагаа, найз нөхдийн уулзалт, үдэшлэг цэнгээнд оролцох сонирхол тийм ч их төрөхгүй бөгөөд энэ нь хайр дурлалтай холбоотой шийдвэрүүдэд ч нөлөөлөх болно. Ганц бие хүмүүс хүмүүнлэгийн үйл хэрэг хийж байхдаа романтик учралтай таарах магадлалтай. Харин гэрлэсэн болон хостой Арслангууд харилцаагаа сайжруулж, илүү эв найртай болгох алхмуудыг өөрийн зүгээс хийх хэрэгтэй. Сарын сүүлээр чи өөрийнхөө дотоод сэтгэл рүү өнгийх болно. Гэрлэх, хүүхэдтэй болох, салах зэрэг томоохон шийдвэрийг гаргахдаа болгоомжтой бай.

Арслангуудын эрүүл мэндийн байдал одооныхоосоо сайжирч эхлэнэ. Ангараг гаригийн нөлөөгөөр чиний тамир тэнхээ, эрч хүч сайн байна. Тогтмол дасгал хөдөлгөөн, чанартай өглөөний хоолыг баримтлаарай.

Эцэст нь хэлэхэд, энэ сард тулгарах ямар ч асуудлыг тэвчээртэй байснаараа давах болно.

Охин

Албан тушаал, ажилдаа бүх анхаарлаа төвлөрүүлж ажиллах сар айсуй. Од гарагсын байрлал гэр бүл, хувийн амьдралтай холбоотой асуудлуудад ээлтэй биш байна. Харин бие даасан, дайчин зан чанар чинь энэ сарыг тодорхойлж, чи танилын хүрээгээ ашиглан зорилгодоо хүрэхээр ажиллах болно. Гэвч өөрийгөө хэт бухимдуулахгүй байх тал дээр анхаарах хэрэгтэйг од эрхэс сануулж байна. Цаг наргүй ажиллах нь бие болоод оюун санааны эрүүл мэндэд муу нөлөөтэй. Тиймээс ажил амралтаа зохицуулж, төлөвлөгөөтэй, цагийн хуваарьтай ажиллаарай.

Энэ сард ажлын тал дээр чамд хэд хэдэн сайхан боломжууд урд чинь зурайна. Сугар гарагийн нөлөөгөөр чиний огт төсөөлөөгүй хүнээс ч боломжийн санал ирэх болно. Нэг үгээр хэлэхэд чи энэ сард боломжгүй зүйл гэж байдаггүй гэдгийг ажил, амжилтаараа харуулах бололтой. Мэргэжлийн ур чадвараа дээшлүүлэх сургалтад суух эсвэл сургамжтай үйл явдал болж магадгүй. Аялал чиний ажлын нэг хэсэг байх болно.

Сонирхолтой л юм. Гэхдээ үнэхээр мөнгө, мөнгөтэй хүмүүс энэ сард Охины ордны хүмүүсийг анхааралдаа авах нь. Охиныхон өөрсдөө ч санхүүгийн асуудалдаа амбицтай хандах бололтой. Гэр бүлийн гишүүн, хамаатан садан, дээд албан тушаалтнуудаас маш их дэмжлэг чамд ирнэ. Бэлэн мөнгөний урсгал улсын татвар шиг л чам руу урсах төлөвтэй байна. Харин хууль, эрхзүйтэй холбоотой асуудал энэ сард шийдэгдэнэ.

Ганц биечүүдийн хайр дурлалын амьдралд төдийлөн ахиц гарахгүй л болов уу. Од гарагсын байрлалаас шалтгаалж чиний дур булаам байдал төдийлөн ил гарч чадахгүй. Зорилготой сээтэгнэл ч хүссэн үр дүнд чинь хүрч чадахгүй бололтой. Тиймээс хайр дурлалтай холбоотой зүйлсийг сарын сүүл рүү хойшлуулсан нь дээр. Харин хостой Охиныхон харилцаагаа сайжруулж, бэхжүүлэх арга хэмжээ заавал авахгүй бол болохгүй. Болзоо, бэлэг гээд санаачлагатай байхыг од эрхэс сануулж байна. Мөн бие давхар болж магадгүй.

Биеийн эрүүл мэнд онц сайн биш ч амин дэмтэй хоол хүнс хэрэглэж, өөрийгөө эрүүл байлгах тал дээр анхаарч чадвал санаа зовох зүйл төдийлөн гарахгүй. Сэтгэл санаагаа аль болох өргөж, эрч хүчээ битгий алдаарай.

Энэ сарыг дүгнэвэл сайтар хөдөлмөрлөх, ирээдүйдээ зориулж хадгаламж нээхэд ээлтэй.

Жинлүүр

Шинэ сард Жинлүүрийнхэн ажил мэргэжил карьертаа илүү анхаарах бололтой. Энэ талбар цаашдын хагас жилийн туршид амжилттай хэвээр байна. Харин гэр бүлийн харилцаа маш тайван бараг л амралтын байдалтай гэж хэлж болохоор байх аж. Энэ сар бол Жинлүүрийн ордныхонд бие дааж ямар нэгэн зүйл хийж үзэхэд хамгийн тохиромжтой сар байх болно. Өөрийн зорилго, мөрөөдлөө дагаж хувийн хөгжил дэвшилдээ анхаарал хандуулж, өөрийнхөө хүч чадлыг батлах цаг үе ирж байна. 6 дугаарын сарын дунд хүртэл чи өөрийнхөө амьдралын утга учир болоод, дотоод хүнийхээ мөн чанарыг таньж мэдэх сонирхол их байх нь. Түүнийгээ ч даган дотоод хүнээ сонсоход буруудах зүйлгүй шүү.

Олон нийттэй харилцах ур чадвар болоод мэргэжлийн байгууллагын тусламжтайгаар карьер чинь улам илүү өсөх болно. Буяны болон хүмүүнлэгийн үйлст гар бие оролцсоноор ажил хэрэг чинь улам илүү ахиц дэвшилтэй байхыг од эрхэс сануулж байна. Олсон амжилт бүрээ үргэлж бусадтай хуваалцаж байгаарай. Мөн энэ сард ахин өөрийгөө хөгжүүлэх, боловсролоо дээшлүүлэх, мэдлэг туршлагаа нэмэгдүүлэх сургалт семинарт цаг гаргаж өөрийгөө хөгжүүл.

Шинэ сар чиний мөнгө санхүүгийн нөхцөл байдлыг чинь аль болох л ивээж туслах болно. Гэхдээ л мөнгө олох нь чамд хүнд санагдаж эхэлнэ. Од эрхэс чамайг илүү хянуур байж, мөнгөндөө гамтай байхыг сануулж байна. Сарын дунд үеэс хойш хос чинь эсвэл гэр бүлийн гишүүдээс мөнгө санхүүгийн дэмжлэг ирэх бололтой. Гол нь нэг л зүйлийг ойлго, чи хэр их идэвхитэй ажиллаж, өөрийнхөө төлөө хичээж зүтгэнэ төдий чиний мөнгөн хөрөнгийг хялбархан бий болгож болно.

Гэр бүлийн харилцаа болоод ажил үүргийнхээ хувиарыг маш сайн тэнцвэржүүлэх хэрэгтэй. Гэр бүлтэй Жинлүүрийнхний хувьд бол гэр бүлийн харилцаа тогтвортой, эв нэгдэлтай байж амжилт олохыг од эрхэс зөгнөжээ. Бэлгийн замын эрүүл мэндтэй холбоотой асуудал үүсч болзошгүй юм. Хэрвээ жирэмсэлэхээр төлөвлөж байгаа бол ирэх сар хүртэл хойшлуулаарай.

Сарын дунд үе хүртэл чиний эрүүл мэнд гайхалтай сайн байх нь. Харин сарын сүүл үеүдэд өөртөө анхаарал тавь. Ногооны салат, авакода, навчит төрлийн ургамалуудыг хүнсэндээ хэрэглэж эрүүл хооллолтондоо анхаар.

Ажил хэргийн хувьд идэвхтэй байх хэрэгтэй ч гэлээ амралтын өдрөөрөө агаар салхинд гарч, амарч байх ёстойгоо бүү мартаарай.

Хилэнц

Энэ 6-р сарын турш чиний хувьд хамгийн чухал зүйл нь карьер байх болно. Од эрхсийн нөлөөлөл гэр бүл, ахуйн асуудлууд гэхээсээ илүү ажил хэргийн асуудлуудад чинь л онцгой ач холбогдол өгч байна. Тиймээс хувийн амбицаа хараанаасаа салгах хэрэггүй.

Чи хаа ч явсан "олонтойгоо цуг”, хамт олон, найз нөхөд, бусад хүмүүсийг хамарсан арга хэмжээ, үйл ажиллагаанд идэвхтэй оролцох болно. Эргэн тойрныхоо хүмүүсийн тусламжтайгаар өөрийнхөө зорилгуудад амархан хүрч чадна. Хүмүүстэй зөвшилцөж, хааяа бууж өгч, хамтран ажиллах хэрэгтэй. Харин нөгөө талаас чамд бие даасан байдал, өөрийгөө сонсох, олныг биш өөрийгөө дагах мөчүүд бага зэрэг дутагдаж мэднэ. Өөрчлөгдөж байгаа орчин нөхцөлд өөрийгөө дасгаарай. 6-р сар Хилэнцийн ордныхны хувьд маш завгүй, ажил ихтэй өрнөх боловч үүний ачаар нэр хүндээ өсгөх, имижээ сайжруулах боломж олдоно. Гэхдээ зарим нэг хэцүүхэн сорилтуудад бэлтгэлтэй байж, өөрийнхөө эрхийг хамгаалах хэрэгтэй. Хөдөлмөр чинь үр шимээ зохих ёсоор өгч, ажил бизнесийн аль аль талд өсөлт дэвшил сайн харагдаж байна.

Санхүүгийн байдал хэлбэлзэлтэй байна. Гэр бүлийн хүнээс туслалцаа ирэх боломжтой. Бизнес эрхэлдэг Хилэнцийнхэн хөрөнгөө нэг их хичээл зүтгэл гаргахгүйгээр өсгөж чадна.

Гэр бүлд шинэ гишүүн нэмэгдэж магадгүй. Чиний анхаарлыг хүүхдүүд болон хүүхэдтэй холбоотой зүйлс ихээр татах болно. Ханьтайгаа санхүүгийн талын асуудлаар үл ойлголцож магадгүй. Ганц бие Хилэнцийнхэнд романтик учрал хангалттай их тохиох бөгөөд маш сонирхолтой, санаанд оромгүй байдлаар таалагдах хүнтэйгээ танилцах болно.

Ажлаас үүдэлтэй ядрал, ядаргаа эрүүл мэндэд чинь сөргөөр нөлөөлж магадгүй шүү. Бүтээлч үйл ажиллагаанд оролцох нь эрч хүчийг чинь нэмэгдүүлнэ. 24-нөөс хойш фитнесс болон хоолны дэглэмдээ өөрчлөлт хийж магадгүй.

Эцэст нь хэлэхэд, 6-р сар стресс ихтэй өнгөрч магадгүй тул ажил амьдралаа сайн зохицуулж, эрүүл мэндээ бодоорой.

Нум

Энэ сард гэр бүл, ажил хэрэг хоёрын амьдралд чинь эзлэх байр суурь 45:55-ийн харьцаатай байна. Карьер, хүсэл тэмүүлэл, бизнес чиний анхаарлыг өөрийн эрхгүй татах боловч гэр орон, дотны хүмүүс, ахуй амьдрал ч бас оролцоог чинь шаардах болно. Од эрхэс чиний сэтгэл санааны байдлыг сайхан байлгахаар хичээж байна. Уян хатан байж, шаардлагатай үед бусдаас туслалцаа авснаар өөрийн зорилгуудад хүрч чадна. Өөрийнхөөрөө зөрүүдлэх, бусдын үгийг үл тоомсорлохоо энэ сард азнаарай.

Ажил мэргэжлийн хүрээнд амжилт гялалзаж байна. Гаргасан хичээл зүтгэлийг чинь амьдрал албан тушаал ахих, мөнгөн шагнал, цалингийн нэмэгдэл зэргээр урамшуулах болно. Одоо ч гэсэн муугүй байгаа санхүүгийн байдал чинь аажим аажмаар илүү сайжрах төлөвтэй. Өөртөө итгэх итгэл чинь Ангараг гаригийн нөлөөгөөр өндөр байх учраас чи аливаа шийдвэрийг гаргахдаа шийдэмгий, түргэн шуурхай байж чадна. Ямар нэг эрсдэлтэй бизнест хөрөнгө оруулж мөнгөн урсгалаа сайжруулаарай. Уран бүтээлч талын мэргэжилтэй Нумууд өөрсдийн шинэлэг ажлаасаа ашиг олно. Мөн гэр бүлийнхэн болон танилын хүрээ чинь ч чамд санхүүгийн дэмжлэг үзүүлэхдээ дуртай байна.

Хайр дурлалын хувьд аз жаргалаар дүүрэн сар ирж байна. Гадаадад аялах эсвэл гадаад хүмүүстэй уулзалт хийх үеэр шинэхэн романтик учрал тохиолдож магадгүй. Өөрийнхөө бие галбир, эрүүл мэнд, сүнслэг байдалдаа санаа тавьж байхдаа эсвэл ажлаа хийж явахдаа өөрт таалагдах хүнтэй таарч мэднэ. Дүрсхийн асаад төд удалгүй унтрах зуурдын сонирхолтой учралууд олон тохионо. Гэр бүлийнхэн болон ойр дотны найзуудын хооронд маргаан гарч болзошгүй. Өөрийгөө аль болох тайван байлгаарай.

Сарын сүүлээр Нумын ордныхны эрүүл мэнд хэврэг байна. Бодисын солилцоогоо сайжруулах эрүүл хоол хүнсээр үүнийг зохицуулах боломжтой. Баримталж заншсан хоол, хөдөлгөөний дэглэмээ үргэлжлүүлээрэй.

Эцэст нь хэлэхэд, санаачлагатай, хичээл зүтгэлтэй байж чадвал ургац чинь "үр шим”-ээ сайн өгөх сар мөн.

Матар

Ажлаа анхаарлын төвд оруулж, урагш алхам хийх цаг чинь ирлээ. Хангалттай хугацаанд ирээдүйгээ төлөвлөж, дараагийн алхамаа бодож тунгаасан шүү дээ. Харин одоо тэдгээр төлөвлөгөөгөө ажил хэрэг болгох хэрэгтэй. Мөн матрын ордныхон энэ сард олон нийт рүү чиглэсэн арга хэмжээнд оролцоно бас зохион байгуулна. Гэнэтийн болзоонд бэлэн байгаарай. Харилцааны ур чадвараа ашиглаж чадвал орлогоо нэмэгдүүлж, байр сууриа батжуулах боломжтой. 6-р сард матруудын бусдад тусалж, сайн үйл хийх хүсэл эргэн ирнэ. Үүнийгээ ч ажил хэрэг болгох бололтой.

Энэ сар чамаас нэлээд хөдөлмөр шаардах бололтой. Мэдээж амжилтанд хүргэх дөт зам гэж байхгүй. Гэхдээ чи найз нөхөд, танил, түншүүдээсээ дэмжлэг авч чадна. Ажил хайж байгаа Матруудад хандаж хэлэхэд ажлыг голох хэрэггүй шүү.

Харин санхүүгийн нөхцөл байдал сарын эхэнд тийм ч сайн байхгүй ч сарын сүүлээр өснө. Бодлоо чөлөөлж, өөрийнхөөрөө байх, болох үйл явдлыг зүгээр л хүлээж авах боломжийг өөртөө олгоорой. Харин хайрт чинь санхүүгийн тал дээр чамаас илүү азтай байх ба чиний арыг даах бололтой.

Хайр дурлалын талбарт романтик сар ирж байна. Ганц биечүүдэд шинэхэн харилцаа тогтоох боломжууд цуварсаар байх болно. Харин хостой Матрууд гэрлэлтийн талаар бодож, ярьж эхэлнэ. Гэр бүлтэй Матрууд хүүхдийнхээ хүмүүжилд илүүтэй анхаарах хэрэгтэй бөгөөд Сугар гарагийн нөлөөгөөр зөрчил үүсч мэдэхээр байна.

Хосоороо хамрагдах арга хэмжээнд явах нь харилцааг бэхжүүлэх сайн талтай. Мөн сайхан дурсамж үлдэх учраас битгий татгалзаарай. Жирэмслэлттэй холбоотой асуудалд нухацтай хандаарай.

Сарын эхэнд биеийнхээ эрүүл мэндэд санаа зовох шаардлагагүй ч 21-ний өдрөөс хойш халдварт өвчин, харшлаас үүдэлтэй бие чинь муудаж мэднэ. Тиймээс сайтар хөдөлгөөнтэй байж, дархлаагаа сайн байлгахыг од эрхэс сануулж байна. Мөн оюун санаагаа амрааж йог, бясалгал хийгээрэй. Алкоголь хэтрүүлж хэрэглэхээс татгалзаарай. Биеэсээ хорт бодис гадагшлуулах, цэвэрлэх тал дээр анхаарвал зохилтой.

Эцэст нь дүгнэж хэлэхэд олон нийттэй ойр байж, завгүй байх сар болох нь. Үдэшлэг, арга хэмжээний урилга ч тасрахгүй бололтой.

Хумх

Ажил мэргэжил чинь бизнесийн үед хамгийн том давуу тал болохыг од эрхэс онцолж байна. Энэ сард дотоод сэтгэл санааны асуудлууд чинь анхаарлын төвд байх нь. 6 дугаар сарыг ерөнхийдөө тоочиж нэрлэвэл: Бие даасан, тогтвортой, хүсэл эрмэлзлэл тэмүүллээр дүүрэн мөн маш олон хамтын ажиллагаа олон нйтийн харилцаагаар хүрээлүүлсэн байх болно. Амьдралын удаашрал, лазантай байдал чамд нөлөөлөх гэж оролвдол өөрийнхөөрөө урам зоригтой байж, тэсвэртэй, тэвчээртэй байхыг од эрхэс сануулж байна шүү. Хамгийн чухал гэж бодсон зүйлдээ л анхаарлаа бүрэн төвлөрүүл.

Ажлын байрны орчинд чинь гарч ирж байгаа өөрчлөлтүүдтэй нүүр тулахад бэлэн бай. Учир нь энэ бүхэн тийм ч тогтвртой бус байж мэднэ. Гэхдээ чи илүү тэвчээртэй байж, сэтгэл санаагаар унахгүй байх хэрэгтэй шүү.

Орлогын хэмжээ буурч мэдэх юм. Гэхдээ бүү санаа зов, энэ бол хэсэгхэн хугацааны л үзэгдэл. Харин чи энэ үед л өөрийнхөө санхүүд анхаарч орлого зарлага гүйлгээгээ хянан илүү зардал гаргалгүй ухаалаг тооцоологч болох хэрэгтэй юм шүү. Энэ хэсэгхэн үе бол чамайг эдийн засагт суралцуулж хэрэгцээгээ хянан өөрийнхөө амьдралын хэв маягийг удирдах боломж олгож байгаа юм. Гэнэтийн төлөвлөөгүй худалдан авалт, хөрөнгө оруулалт гэх мэт санхүүгийн алдагдлаас зайлсхий.

Олон нийтийн маш олон үйл ажиллагаанд уригдах бололтой. Тэр газруудын аль нэгнээс чи хайраа олж ч мэдэх юм. Ямартай ч энэ сард хүчтэй хайрлаж дурлах болно. Олон нийтийн үдэшлэг, уулзалт, сургалт боловсролын орчноос эсвэл ажил, спорт заал, фитнес төвөөсөө ч романтик нэгнийг олж магадгүй. Харин гэрлэсэн хосууд энэ ондоо багтаан хүүхэдтэй болохоор төлөвлөж эхлэх нь.

Энэ сард Хумхын ордныхныг эрүүл мэнддээ анхаарч болгоомжтой байхыг сануулж байна. Мөн л чиний бодож байгаа шиг дасгал хөдөлгөөн эрүүл хоололт хамгийн чухал хэрэгтэй амин дэм болоод байна. Үүн дээр нэмээд гэр бүл, хайртай хосуудын хувьд бэлгийн амьдралдаа сэтгэл хангалуун байх нь нэг төрлийн эм болох бололтой.

Шинэ сар Хумхуудад агуу их хайр дурлалыг авч ирж байгаа болотой шүү!

Загас

Энэ сард гэр бүл, хувийн амьдралаа №1 –т тавих бололтой. Мөн Загаснууд хүчтэй сэтгэл хөдлөлөөр дүүрэн байх ба ирээдүйн төлөвлөгөөн дээрээ түлхүү анхаарч ажиллах болно. Энэ сард чи илүү уян хатан, нөхцөл байдалд дасан зохицож чаддаг байх хэрэгтэй шүү. Ажил мэргэжлийн хүрээнд хангалттай онгирох боломжууд гарна. Үдэшлэг олон нийтийн арга хэмжээ дээр байхад эсвэл дасгалын зааланд байхад цоо шинэ бизнесийн санаа орж ирнэ. Харин шинэ ажил хайж байгаа Загаснуудад ажилтай болох боломж олдоно. Гэвч чиний хүссэн ажлын байр биш байх магадлал өндөр учир өргөдөл өгөх байгууллагуудынхаа талаар ахин бодож үзээрэй.

Энэ сард чиний санхүү тогтвортой байх бөгөөд найз нөхөд чинь орлогоо бүрдүүлэхэд чинь тусална. Интернэт, технологийн давуу талыг ашиглан орлогоо нэмэгдүүлэх магадлалтай. Эргэлзээ төрүүлсэн зүйлд яаран хөрөнгө оруулах хэрэггүй. Худалдан авалт ч мөн энд багтаж байгаа шүү. Үнэт чулуу, урлаг уран сайхантай холбоотой ажлаас нэлээд орлого орж ирнэ.

Сарын дундуур хостой, гэр бүлтэй Загаснуудын харилцаанд зөрчил үүсч мэднэ. Гэхдээ тэр нь удаан үргэлжлэхгүй бөгөөд ойлголцож, эвлэрсний дараа нөхцөл байдал урьдынхаасаа ч амгалан тайван болно. Сарын турш сексийн амьдралдаа сэтгэл хангалуун байна. Жирэмсэлэлттэй холбоотой шинэ мэдээ сонсож магадгүй. Харин ганц биечүүд сошиал сүлжээ, бүлгийн уулзалт зэргээс шинэхэн романсаа эхлүүлэх магадлалтай.

Энэ сард Загаснууд хамгийн ихээр биеийн эрч хүчийг мэдрэх болно. Дасгал хөдөлгөөн хийж, эрт босож, өөрийгөө сэлбэх тал дээр сайтар анхаарах нь ээ.

Эцэст нь дүгнэж хэлэхэд энэ сард чи аз жаргалтай гэр бүлийн амьдралаар амьдрах ба бизнес, ажил хэргийн асуудлууд бага зэрэг удаашралтай байна.

Эх сурвалж: www.goolingoo.mn