Исгэлэн жимснүүдийн ахлагч нь ээж болж, гэр бүлийн амьдралаа төвхнүүлж завгүй явсан ч удалгүй уран бүтээлдээ яаран орсон. "Амжиж хөтөлье гараас чинь " хэмээх цоо шинэ клипээ олны хүртээл болгосон дуучин Ука уран бүтээлээ ар араас нь гаргахаар төлөвлөсөн гэдгээ дуулгаж мөн тоглолтоо хийхээр товложээ.

Тэрбээр дуучин болохоосоо өмнө үсчин, гоо сайханч, бүжигчин хийж явсан удаатай. "Nature sounds”-д бүжгийн багшаар ажиллаж байсан гэдэг. Хатуу Ангирмаагийн гэрээг зөрчиж хөөрхөн хүүтэй болсон Ука сүүлийн үед фэнүүдтэйгээ тулж ажиллаж байгаа гэхэд хилсдэхгүй. Бүсгүйчүүдийг нь нүүр будалтын хичээлэрээ эрчүүдийг нь өөрийн гоолиг төрхөөрөө татаж буй.

Амьдралд нь баяр баясгалан бэлэглэсэн бяцхан үрдээ Баясгалант хэмээн нэр хайрлахыг хүссэн ч аав нь Сүбээдэй гэх баатар эрийн нэрийг хайрлажээ. Харин дууч бүсгүй маань нөхрөө ихэд нууцалж байгаа. Бусдын өмнө байнгын л гоо сайхан будагтай төрхөөрөө уулздаг түүний будаггүй төрх нэг иймэрхүү.