Өнгөрөгч долдугаар сараас эхлэн өсч буй долларын ханш сүүлийн өдрүүдэд огцом өслөө. Өдөрт 5-10 төгрөгөөр нэмэгдэж буй.

Тэгвэл өнөөдрийн байдлаар Монголбанкны нэрлэсэн ханш 2152.07 төгрөг байна.

Харин “Найман шарга” зах дээр нэг ам.доллар 2200 төгрөгтэй тэнцлээ. Ийнхүү огцом өсөлтөд Монголбанкны ерөнхийлөгчийн мэдэгдэл нөлөөлсөн гэж эдийн засагчид үзэж байна. Ямар ч улс орон гадаад валютын нөөцөө олон нийтэд мэдээлдэггүй. Гэвч үүнийг мэдэхгүй ам алдсан уу эсвэл хэтэрхий ил тод байх гээд алдаа гаргасан уу. Ямартай ч Засгийн газар, төв банк яаралтай арга хэмжээ авахгүй бол хазаарлаж чадахгүй байдалд хүрэх вий.