Манай улсад гадуур хооллож, ундална гэдэг хамгийн их эрсдэлтэй алхам болоод буй. Нэг хэсэг борооны дараах мөөг шиг Хятад, Солонгос хоолны газрууд булан тохой бүрд нээгдэж үйл ажиллагаа явуулж байсан. Өдгөө ч явуулсаар байгаа ч тэднийг шалгадаг газар ажлаа муу хийгээд байна уу гэлтэй.

Ашиг орлого л олж байвал бусдын эрүүл мэнд тэр бүү хэл амь нас аюулд учрах эсэх нь тэдэнд падгүй болжээ. Хоолноос нь өт, хорхой гарах ёстой мэт аашлах хоолны газруудын нэг нь 13 хороололд байрлалтай Ким баб Чон Гүг бололтой. Уг Солонгос хоолны газраар үйлчлүүлсэн үйчлүүлэгч бусад сэрэмжлүүлэх үүднээс өөрийн цахим хуудаснаа,

 

 

"Сэрэмжлүүлэг: Ард иргэдээ, энэ 13 хороололд байдаг Солонгос зоогийн газраар болж өгвөл битгий үйлчлүүлээрэй. Хоолондоо хорхой шавьжтай, тэрийгээ ч өөрсдөө огт тоодоггүй, бүүр байдаг л юм гэсэн шиг хүлээж авдаг, гэхдээ бас хоолныхоо тал мөнгийг буцааж өгье, зургаа устга гээд гар утас булааж авах гээд ноцолдоод байсан шүү. Цааш нь шэйрлээд олон хүмүүст түгээгээрэй. Харамсалтай нь хоолоо идээд дуусаж байхад хамгийн сүүлийн сэрээдэлтээс унаж ирж байгаа юм даа. Нэгэнт идсэн байсан болохоор бөөлжиж л гаргана биз дээ. Хүмүүсээ, энд тэнд хоол идэхдээ болгоомжтой байхад илүүдэхгүй юм байна шүү. Түгээ, түгээ, түгээ" хэмээв.

 

 

 

 

О.Ариун