Та бидний хэлж зансшнаар Багшийн дээдийн уулзварын  чанх дэргэд албан тасалгааны зориулалтаар 16  давхар нэгэн барилга баригдаж байгаа билээ.  Тэгвэл уг барилгын асар хүнд төмөр хашаа өчигдөр  17:00 цагийн орчимд салхинд нурж  хүний дээрээс унасан байна. Тухайн үед  барилгын ажилчдаас нэг  ч хүн туслахаар гарч ирээгүй.  Харин тухайн үед  хашаанд даруулсан хүний  урд болон хойно нь явж байсан залуус тусалсан байна.  Улмаар барилгын ажилчидтай уулзахад бид нар хашаагаа зүгээр ингээд тавьсан юм  хэмээн тайлбарлаж байсан юм.
















 Тэгвэл   “Өндөрбуянт Холдинг” ХХК-ынханд хандаад  зүгээр хэдэн зөвлөгөөг  өгчихье.  Иргэдийн аюулгүй байдлыг хангах зорилгоор барилга баригдаж байгаа хэсгийг  хашаагаар тусгаарладаг. Улмаар  хашааны дээд хэсгийг мөн битүүлж иргэдийн эрүүл мэндийг хамгаалдаг. Тэгтэл  танай компанийнхан  үүнийг мартжээ.  Энэ чинь өөрөө   Монгол улсад хүчин төгөлдөр мөрдөгдөж байгаа хууль, дүрмийг зөрчиж байгаа юм.  Төмөр хашаанд  даруулсан хүн  хүндэвтэр бэртэл авсан бөгөөд “Өндөрбуянт Холдинг” ХХК-ийн хариуцлагагүй энэхүү байдлаас  илүү хохирол учрах байсныг зөвлөөд сануулах нь зүйтэй биз. Өөрөөр хэлбэл өндөр настан,  жоохон хүүхэдтэй хүн явж байсан  бол бултаж чадахгүй  даруулж, эрүүл мэнд амь насаараа хохирохыг үгүй гэх газаргүй юм.  Хотын төвд ,олон хүний хөлийн газар  төмөр хашааг нүд сохлом төмөр утастай нь тавьсан  “Өндөрбуянт Холдинг” ХХК-д хариуцлага тооцуулмаар.

 

 

 

“Өндөрбуянт Холдинг” ХХК-ийн хувьд өмнө нь хөдөлмөрийн аюулгүй байдлыг хангаж ажиллаагүйн улмаас хүний амь насанд хүрч байсан, захирал нь  УИХ-ын сонгуульд нэр дэвшихдээ  хөгөө чирж байсан  гээд  олон сөрөг баримт байгаа.  
Харин  энэ удаад зөвхөн  энэхүү барилга дээр гарсан хариуцлагагүй  үйлдлийг  л дурьдаж, хариуцлагатай ажиллан бүх нийтийн эрүүл мэнд, аюулгүй амьдрах нөхцлийг бүрдүүлж өгөхийг нийт уншигчдийнхаа өмнөөс шаардаж байна!!!

А.Баярмаа