Нэвтрүүлэгч Б.Тамир өнөөдөр цахим хуудастаа, гэргий М.Болормаагаа бурхны оронд одсон тухай таагүй мэдээг хуваалцжээ.

 

 

Нэвтрүүлэгч Б.Тамир гэргий М.Болормаатайгаа 2013 онд хуримаа хийгээд удаагүй байхдаа буюу зургаан сарын дараагаар хайртай ханийх нь бие муудаж эхэлсэн байна. Ингээд 2014 онд өвчний ерөнхий оношийг тодруулахад маш ховор тохиолддог ясны хорт хавдар гэсэн аймшигт хариуг сонсжээ. Тэд химийн эмчилгээ, туяан эмчилгээ зэргээр маш олон эмчилгээ хийлгэсэн боловч түүний бие сайжрааүй байна.

Удалгүй хосуудын тухай мэдээлэл интернэт ертөнцөд цацагдаж эхэлсэнээс хойш маш олон хүмүүст хүрч чин сэтгэлийн дэм, урам хайрласаар байгаа төдийгүй тэднээр бахархаж байлаа.

Улмаар ангийн нөхөд болон урлаг, соёлын салбарынхан нь М.Болормаад зориулж "Хайрын хүч" тоглолтыг зохион байгуулсан бөгөөд эмчилгээний зардлыг амжиллтай цуглуулснаар хагалгаандаа орсон билээ. Тэд өөрсдийн цахим хуудсаараа дамжуулан "Сайн байцгаана уу манайхаан? Хотол олноороо сайхан наадсан уу? Би удахгүй эмнэлэгээс гарнаа!  Эмчилгээ сайн байгаа шүү" хэмээн баярт мэдээг дуулгаж байсан цаг саяхан билээ.

Ум сайн амгалан болтугай.

zuv.mn