Хуруувчин “3D Mouse” зохион бүтээсэн гэнэ. Ямар ч нөхцөлд ашиглаж болохоор тун давуу зүйл гэнэ. Тэгэхээр энэ зүйл манай эрхэм жиргээчидэд тун хэрэгтэй зүйл бололтойдог.

Энэхүү “3D Mouse”-ыг ажиллуулснаар та ямар ч давчуу, зай муутай орон зайд дэлгэцэн дээрх кур­сороо хянаж интернэтээр аялах боломжтой гэнэ. Тэгэхээр УИХ-ын эрхэм жиргээчид давчуухан чуулганы танхимдаа дур зор­гоороо жиргэх үүд хаалга нээг­дэж байна гэсэн үг. Гадуур, дотуур албан ажилтай явж байхдаа хүссэн үедээ хаана юу хийж байгаагаа тайлагнаад  байж болох нь дээ. “Твиттерт тэнэг байхгүй, фэйсбүүкт царай муут байхгүй” гэж орчин үеийн зүйр үг байдаг болсон. Тэгэхээр эрхэм гишүүддээ “3D Mouse” авч өгвөл ямар вэ. Цэцэнгүүдээс ялгарч юуны магад. Жиргээчдийн ертөнц гэж нэрлэж болохоор чуулганы танхимд хэрэгтэй л зүйл юм. УИХ-ын чуулган дээр хулгайгаар жиргэж суудаг цаг үүгээр төгсгөл болж мэднэ. Учир нь “3D Mouse”-ын тусламжтайгаар хэнд ч үл анзаарагдам жиргэж болохоор болсон байна. Бүр муугаар хэлэхэд бүхий л зүйлээ эмх цэгцтэй удирдаад байхаар болж дээ. Тэгэхээр “3D Mouse”-тай байхад УИХ-ын чуулган дээр Твиттерт уйлсан ч болно шүү. Хэзээнээсээ монголчууд жиргээндээ гар­гуун улс учраас зарим нэгэнд нь энэ “3D Mouse”-ны хэрэг ч байхгүй биз. Цэцэн цэл­мэг хүмүүст элдэв бусын зүйл хэрэггүй тэртээ тэргүй ямар ч үед жиргэж чаддаг “Универсал” хүмүүсийг улс төрийн жир­гээчид гээд хэл­чихэд буруу­дахгүй юм. Ямар нэгэн нэмэлт зүйл хэрэг­гүй учир нь ажлаасаа илүү амьдралаа жир­гээнд зориулсан эрхэмүүд ч байгаа шүү. Жиргэж суу­гаад бусдаар шүүмжлүүлж, бусдыг шүүмжлэх ажил урагш­тай болно. “3D Mouse”-ыг жиргээний ертөн­цөд нэвтрүүлбэл утгаараа хурдан жиргэж болох нь. Тэгэхгүй бол хөгжлөөс хоцорч хулгайгаар жиргэх гээд байна шүү дээ. Эрхэм жиргээчдийн элгийг нь дэвтээж “3D Mouse” авч өгцгөөе. Ингэснээр элдэв зүйлд сатаарахгүйгээр дураа­раа жиргэх боломжтой болж байгаа юм. Хамгийн гол нь хаана ч жиргэх чадвартай УИХ-ын эрхэм гишүүд инженерийн гайхамшигийг мэд­рээд зогсохгүй гайхалтай сайхан жиргээг цаг алдахгүй хүргэдэг болход амар болж магад. .

Э.Баясгалан