Ардчилсан намын эхлүүлсэн шинэтгэлтэй зэрэгцэн Монгол Улсын Ерөнхийлөгчийг сонгох сонгууль ойртож байна.

Энэ үед Ардчилсан намын дэргэдэх Ардчилсан эмэгтэйчүүдийн холбооноос журмын нөхдөдөө хандан мэдэгдэл гаргажээ.

Мэдэгдэлд, “Би тус намаас Монгол Улсын Ерөнхийлөгчид нэр дэвших улс төрчийг намын дотоод сунгаагаар сонгохдоо Монголын ард түмний олонхий итгэлийг дааж, дэмжлэгийг хүлээхүйц нийтийн эрх ашгаас бусад аливаа ашиг сонирхлоос ангид байж чадах, ёсзүйн зарчмыг чанд сахих, төр барих ухаанд бэлтгэгдэж төлөвшсөн, зөв шударгад тууштай улс төрчийг сонгохыг уриалж байна” гэжээ.