Германы хөлбөмбөгчид тив хоорондын цомыг хүртлээ
2017/07/03
САНКТ-ПЕТЕРБУРГ./TASS/. Германы хөлбөмбөгийн шигшээ баг Тив хоорондын цомын тэмцээний / FIFA Confederations Cup-2017/ финалын тоглолтод Чилийн шигшээг 1:0 харьцаагаар хожлоо. Санкт-Петербург хотод болсон уг тоглолтыг 57 268 хөгжөөн дэмжигч үзсэн байна.
Тоглолтын цорын ганц гоолыг 20 дахь минутанд Ларс Штиндль оруулсан бол шилдэг тоглогчоор Германы шигшээ багийн хаалгач Марк-Андре тер Штеген шалгарчээ. Хоёр баг өмнө нь хэсгийн тоглолтод учраа таарч, 1:1 харьцаагаар тэнцсэн юм. Герман болон Чилийн багууд нийтдээ 9 удаа учраа таарч тоглож байснаас германчууд 6 удаа, чиличүүд 2 удаа ялж, нэг удаа багууд тэнцсэн байна.
Тус хоёр баг өмнө нь Тив хоорондын цомыг хүртэж байгаагүй юм. Чиличүүд энэ тэмцээнд анх удаагаа, харин германчууд гуравдахь удаагаа оролцлоо. Герман улсын шигшээ баг бол тус цомыг хүртэж буй 6 дахь баг юм. Өмнө нь Аргентин, Дани, Бразил, Мексик, Францын шигшээ багууд цомын эзнээр шалгарч байжээ.
Энэ удаагийн цомын тэмцээнд Германы шигшээгийн Ларс Штиндль, Тимо Вернер, Леон Горецка нар тус бүр 3 гоол оруулснаар мэргэн буучдын жагсаалтыг тэргүүлсэн байна. Энэ тохиолдолд шилдэг хөлбөмбөгчинд олгодог “Алтан шаахай”-г хүртэх тамирчныг “гоол+дамжуулалт” гэсэн үзүүлэлтээр шалгаруулах юм. Хоёр удаа оновчтой дамжуулалт хийсэн Т.Вернер уг шагналын эзэн болох магадлалтай байна. Орос улсад болсон энэ удаагийн цомын тэмцээнд Германы шигшээ баг 12 гоол хийснээр хамгийн олон оноо авлаа.
Тив хоорондын цомын тэмцээн 6 дугаар сарын 17-ноос 7 дугаар сарын 2-ныг хүртэл Москва, Санкт-Петербург, Казань, Сочи хотуудад болсон юм.
Б.Адъяахүү
Эх сурвалж: Монцамэ агентлаг
Сайхнаа · 2017/07/05
Тэр Путинтэй зураг хөрөгөө эвлүүлээд поп-доод байсан. Яах гэж тэр том хүнээр оролддог юм бээ энэ женко. Дэллхий даяар Монгол популист ерөнхийлөгчтэй болох магадлалтай гэж ярьж байна. Сонгогдоочгүй байхад Монголд орж ирэхээр яригдаж байсан хөрөнгө оруулалтууд гацаж хүлээлтийн байдалд орлоо. Доллар маш хурдацтай өсөж байна.
Ариунаа · 2017/07/05
Аааяаяаяа Монголын эдийн засаг сэргэх найдвар эргээд үгүй боллоодоо хөөрхий. Ноён доллар гуай буцаад чангараад эхэлчихэж, Хувьцааны уналт улам эрчимжсээр байдаг. Улс төрийн тогтворгүй байдал гэдэг ийм аюултай байгаа юм даа. Ганцхан жилийн өмнө 65 суудал өгч байсан намынхаа эсрэг Поп улс төрчийг дэмжсэнийхээ хариуг авах нь дээ бид.
Зочин · 2017/07/05
Эдийн засгийн бүх үзүүлэлтүүд унаад эхэллээ. Нийгэмийг талцуулж гадныхны дургүйг хүргэснээрээ Женко Баттулга өөрөө хариуцлагаа хүлээвэл таарна. Эдийн засгийн ямар ч ойлголтгүй хар масс-д худлаа цус ярьж хөөргөснийх нь гайг Монгол үүрэх нь Юуны чинь Монгол ялна. Монгол ялагдаад эхэллээ.
Сайхнаа · 2017/07/04
Улс төрийн үйл явц эдийн засагт хэрхэн нөлөөлдөгийг бид одоо бодитоор харж байна. Доллар эрчимтэй өсч эхэллээ. Дэлхийн зах зээл дээр Монголын хувьцаанууд хурдацтай унаж байна. Цусаар талцуулсан популист улс төр ийм л нөлөө үзүүлж байна. Дэлхий глобалчлагдсан гэдгийг хэзээ ойлгох хүмүүс юм болдоо Монголчууд бид.