Одоогийн хүчин төгөлдөр мөрдөгдөж байгаа хуулиар хууль санаачлах эрх УИХ-ын гишүүн, Засгийн газар болон Ерөнхийлөгчид бий. Тэгвэл Үндсэн хуульд өөрчлөлт оруулж, Ерөнхийлөгчийг хууль санаачлах эрхгүй болгох гэж байна. Ингэснээр зөвхөн УИХ-ын гишүүн Засгийн газар хууль санаачлах ажээ.

Монгол улсын үндсэн хуулийг өөрчлөхөөр олон ажлууд зохион байгуулагдаж байгаа. Үүний үр дүнд бид Үндсэн хуулиндаа нийт 24 өөрчлөлт оруулах юм. Улмаар дордуулсан долоон заалтаа засаж байгаа.  24 өөрчлөлтийн дөрөв нь Засаг солигдсон ч төрийн албан хаагч ажлаасаа халагдахгүй, хурган дарга нар алдаатай үйл ажиллагаа явуулж байгаа эсэхийг шалгахтай холбоотой шинэ заалт орох юм.

Мөн УИХ, Засгийн газартай холбоотой хэд хэдэн заалт орсон байгаа. Харин хамгийн анхаарал татаж байгаа нэг өөрчлөлт бол Монгол улсын Ерөнхийлөгч хууль санаачлах эрхгүй болох юм. Ингэснээр хууль санаачлах эрх зөвхөн УИХ, Засгийн газарт үлдэх юм.

Өөрөөр хэлбэл аль нэг аймгийн 3-4 сумын төлөөлөл болсон нэг гишүүн хууль санаачлах эрхтэйгээ үлдэж. Нийт ард түмний тал хувийнх нь саналыг авсан Ерөнхийлөгч хууль санаачлах эрхгүй болж байгаа юм.

Төлөөлж байгаа иргэдийн тоотой нь харьцуулахад энэ бол “гомдмоор” заалт.  Хэрвээ үнэхээр ингэж өөрчлөлт оруулах юм бол ядаж УИХ-ын тав болон түүнээс дээш гишүүд хамтарч хуулийн төсөл боловсруулдаг эрх зүйн зохицуулалт хийх хэрэгтэйг Үнддсэн хуулийн өөрчлөлтийн ажлын хэсгийнхэнд сануулж байна.