Хууль зүй, дотоод хэргийн сайд,Шүүхийн ерөнхий зөвлөлийн даргын2016оны 09 дүгээр сарын 12-ны өдрийн А/113дугаар хамтарсан тушаалаар баталсан "Шүүх, шүүгчийн аюулгүй байдлыг хангах журам”-ын гурав дахь хэсэгт заасныг хэрэгжүүлэх зорилгоор Баянгол, Хан-уул, Сонгинохайрхан дүүргийн эрүүгийн хэргийн анхан шатны шүүхүүдийн Тамгын газар, Хамгаалалтын газрын Шүүх, шүүгчийн аюулгүй байдлыг хангах хэлтэстэй хамтран"Шүүх, шүүгчийн аюулгүй байдлыг хангах нь” сэдэвт үзүүлэх сургуулилтыг 2017 оны 09 дүгээр сарын 29-нийөдөр тус шүүхийн байранд зохион байгуулав.

 

Сургалтад: Шүүхийн Тамгын газрын дарга Н.Чулуунжав, Тамгын газрын мэргэжилтнүүд болон Шүүх, шүүгчийн аюулгүй байдлыг хангах хэлтсийн ахлах офицер, цагдаагийн дэслэгч С.Марат, Шүүгч, шүүх хурлын аюулгүй байдал хангах тасгийн дарга, цагдаагийн ахмад Г.Батгэрэл, Хуяглан хүргэх, албадан ирүүлэх тасгийн дарга, цагдаагийн хошууч Б.Баярсайхан, Шүүгч, шүүх хурлын аюулгүй байдал хангах тасгийн хамгаалалтын офицер, цагдаагийн дэслэгч Ч.Ихбаяр нар зохион байгуулав.

Мөн шүүхийн захиргааны ажилтнууд шүүгч, шүүх бүрэлдэхүүн, шүүх хуралдааны оролцогчдийн дүрд тоглосон болно.

 

 

Дадлага сургалтыг дараах 3 сэдвийн хүрээнд зохион байгууллаа. Үүнд:

 

1. Шүүх таслах ажиллагааны хэвийн нөхцөл бүрдүүлэх зорилгоор Шүүх хуралдааны явцад шүүгдэгч, шүүгдэгчийн ар гэрийнхэн шүүх хурлын дэг зөрчин шүүх бүрэлдэхүүн рүү халдаж буй үед шүүх хуралд дэг сахиулагч хамгаалалтын цагдаа, хамгаалалтын офирцер, шүүгч, шүүх бүрэлдэхүүний авах арга хэмжээ.

 

Шүүгдэгч Б-д холбогдох эрүүгийн хэргийн шүүх хуралдааны үеэр шүүгдэгч Б болон шүүгдэгчийн ар гэрийнхэн нь шүүгч, шүүх бүрэлдэхүүнийг шүүхийн шийдвэр, тогтоолыг уншиж сонсгох үед шүүхийн шийдвэрийг эсэргүүцэж шүүгч, шүүх бүрэлдэхүүнийг үг хэлээр заналхийлэн дайрах үед шүүх хурлын журам сахиулах хамгаалалтын цагдаа шүүгдэгчид биеийн хүч, хүн нэг бүрийн тусгай хэрэгсэл хэрэглэн аюулгүй болгон шүүх танхимаас албадан авч гарах, шүүгч, шүүх бүрэлдэхүүн шүүх хурлын танхимын аюулгүйн хонхыг дарж харуулын цагдаа, хамгаалалтын офицерыг дуудах, аюулаас биеэ хамгаалах зорилгоор цахилгаан бороохойг ашиглаж зөвлөлдөх тасалгаанд орж хаалга түгжиж аюулгүй байдлаа хангах, бодит аюул арилсан тухай хамгаалалтын цагдаа, офицер мэдэгдэх хүртэл зөвлөлдөх тасалгаанаас гарахгүй байх, Шүүхэд үүрэг гүйцэтгэж буй хамгаалалтын цагдаа нар шүүх хурлын танхимд орж хуралдааны дэг зөрчсөн, шүүх хуралдааны танхимд эмх замбараагүй байдал үүсгэсэн шүүгдэгчийн ар гэр болох Г, Ч нарыг биеийн хүч, хүн нэг бүрийн тусгай хэрэгсэл хэрэглэн шүүх хурлын танхимаас албадан гаргаж шүүгч, шүүх бүрэлдэхүүн болон шүүх хуралдааны бусад оролцогчдын аюулгүй байдлыг хангав.

 

2. Тус хэлтсийн Шүүгч, шүүх хурлын аюулгүй байдлыг хангах тасгийн дарга, цагдаагийн ахмад Г.Батгэрэл шүүгч нарт учирч болзошгүй гэнэтийн аюул занал, халдагч этгээд довтолсон тохиолдолд бие хамгаалах арга, мэх зааж, дадлагажуулав.

 

3. Шүүх, шүүгчийн аюулгүй байдлыг хангах хэлтсийн ахлах офицер, дэслэгч С.Марат шүүгчийн хүн нэг бүрийн тусгай хэрэгсэл болох цахилгаан гүйдлээр цохигч, амьсгал боогдуулагч, нулимс асгаруулагчийг хэрхэн хэрэглэх, тэдгээрийн төрөл, бүтцийн талаар сургалтыг явуулж дадлага сургуулилт хийв. Сургалтын үеэр шүүгчдийн сонирхсон асуултад хариулт өглөө.