Шүршүүрт орж байгаа царайлаг гэмээр энэ залуугийн зургийг угаалгын машинд эргэж, гэмтсэн гэрэл зургийн аппаратнаас сэргээж авчээ. Аппаратанд цаашлаад буудуулж, хоолойгоо хэрчүүлэн хэвтэж байгаа Трэвис Александрын цогцосны зургууд байсан бөгөөд гэмт хэргийг найз залуугаасаа салахыг хүсээгүй Жоди Ариас гэгч бүсгүй үйлджээ. Улмаар Жоди Ариасын шүүх хурал Америк даяар олны анхаарлын төвд орж, бүсгүйг хамгийн тачаангуй алуурчин гэж хэвлэлүүд цоллож байжээ.

Умард Ирландын Таярон каунтид аав охин хоёрын жаргалтай инээмсэглэн зогсох энэ зургийг 1998 оны 8-р сарын 15-нд даржээ. Зургийг дарснаас хэдхэн хормын дараа улаан машинд тавьсан тэсрэх бөмбөг дэлбэрч 29 хүний амь насыг хохироож, 220 хүнийг гэмтээсэн байдаг. Халдлагын хариуцлагыг Ирландын салан тусгаарлагч IRA бүлэглэл ЗГ-тай гал зогсоох хэлэлцээрт хүрснийг эсэргүүцэж байсан салбар бүлэглэл болох REAL IRA бүлэглэл хүлээж байжээ.

Зураг дээр Жон Леннон хэдхэн цагийн дараа “Битлз Есүсээс илүү алдартай” гэсэн үгийг хэлсэнд нь өширхөж амь насыг нь хороох Марк Дэвид Чапманд гарын үсгээ зурж өгч байгаа нь буужээ.

14 настай Режина Кэй Волтерс гэх энэ охинд цуврал алуурчин Роберт Бэн Рөдэс хүчээр хар даашинз, өндөр өсгийт өмсгөж, үсийг нь тайрсныхаа дараа энэ зургийг дарж, улмаар дараа нь тамлан зовоосныхоо эцэст Иллинойс мужид байх эзэнгүй энэ эдлэнд амь насыг нь бүрэлгэсэн байдаг. Роберт Бэн Рөдэс нь 1975-1990 оны хооронд 3-50 хүнийг хүчирхийлж, тамлаж, амийг нь хөнөөсөн хэрэгтээ буруутай нь нотлогдож өршөөлд хамрагдах эрхгүйгээр бүх насаараа хорих ял шийтгэгджээ. Өдгөө амьд мэнд хоригдсоор байгаа.

Зураг дээр шоудаж байгаа хоёр хөвгүүд харагдаж байна уу? Тэгвэл баруун талд зогсож байгаа хүү эцэг эхийнхээ амь насыг хөнөөж, дээд давхарынхаа унтлагын өрөөнд цогцсыг нь нуусныхаа дараа найзуудаа урьж гэртээ үдэшлэг зохиож байхдаа энэ зургийг даруулжээ.

Зургийг зэрвэс харахад анги хамт олны энгийн зураг мэт харагдаж байж болох ч энэхүү зургийг 1999 онд Америк даяар шуугиан тарьсан Колумбайн ахлах сургууль дээр зэвсэглэсэн 2 сурагч гал нээж, олон хүний амь насыг хохироохоос хэдхэн өдрийн авчээ. Зургийн зүүн дээд буланд камерлуу гараараа буу онилсон байрлал авсан Эрик Харрис болон Даялан Клебөөлд нар нь 1999 оны 4-р сарын 20-нд ахлах сургууль руугаа зэвсэглэн орж, 13 хүний амь насыг хөнөөж, 21 хүнийг хүнд хөнгөн гэмтээсэн бөгөөд эцэст нь амь насаа бүрэлгэжээ. Колумбайн сургуулийн энэ халдлага Америкийн түүхэнд сургуулийн нутаг дэвсгэр дээр олон хүний амь насыг хомроглон хөнөөсөн анхны бөгөөд хамгийн аймшигтай хэрэгт өнөөг хүртэл зүй ёсоор тооцогддог байна.

Зураг дээр харагдах Пого алиалагч нь хүүхдүүдийн төрсөн өдөр, тэмдэглэлт өдөрт баяр хөөр бэлэглэх ажлыг өдрийн цагаар хийж шөнөдөө залуу хөвгүүдийг хүчирхийлж, амь насыг нь бүрэлгэдэг байжээ. 1970-аад онд аллага нь оргил үедээ хүрэхдээ Жон Вэйн Гэйси 6 жилийн дотор 30 гаруй хөвгүүдийг хүчирхийлж, амь насыг нь хөнөөснийхөө дараа ихэнхийнх нь цогцсыг нь байшингийн доод хэсэгтээ газарт ухаж, нуудаг байжээ. Гэйсигийн тухай олон кино хийгдсэн байдаг аж.

1997 оны 3-р сард авсан энэ зураг дээр “Диваажингийн хаалга' шашны бүлэглэлийн удирдагч Маршалл Эпплваятын ятгалгаар бөөндөө амиа егүүтгэсэн гишүүд харагдаж байна. Тэдэнд дэлхий сөнөх гэж байгаа учраас амиа егүүтгэж байж, харь гаригийн хөлөгт хүрэх замдаа орно гэж итгүүлж, улмаар амиа егүүтгэхэд нь хүргэжээ

Английн Кёркбид 10 настай хоёр хүү 3 настай Жэймс Бюлгер гэх хүүг хуурч дагуулан явж байгаа нь 1993 оны 2-р сарын энэ өдөр аюулгүйн камерт бууж үлджээ. Улмаар хөвгүүд хүүг 4 км гаруй газар дагуулан явсаны эцэст, хүнгүй газар очиж тамлан зовоож, амь насыг нь хэрцгийгээр бүрэлгэсэн байдаг. Хөвгүүдийг хэрцгий аллагын хэрэгт буруутай гэж үзэн ял шийтгэсэн бөгөөд тэд 20-р зууны хамгийн залуу алуурчид болж байжээ.